“Padumuttarassa bhagavato, lokajeṭṭhassa tādino; Sattabhūmamhi pāsāde, ādāsaṁ santhariṁ ahaṁ.

Khīṇāsavasahassehi, parikiṇṇo mahāmuni; Upāgami gandhakuṭiṁ, dvipadindo narāsabho.
dvipadindo → dipadindo (bj, sya1ed, sya2ed, pts-vp-pli1)

Virocento gandhakuṭiṁ, devadevo narāsabho;
Virocento → virocayaṁ (sya1ed, sya2ed); virocantaṁ (pts-vp-pli1) Bhikkhusaṅghe ṭhito satthā, imā gāthā abhāsatha.

‘Yenāyaṁ jotitā seyyā, ādāsova susanthato; Tamahaṁ kittayissāmi, suṇātha mama bhāsato.

Soṇṇamayā rūpimayā, atho veḷuriyāmayā; Nibbattissanti pāsādā, ye keci manaso piyā.

Catusaṭṭhikkhattuṁ devindo, devarajjaṁ karissati; Sahassakkhattuṁ cakkavattī, bhavissati anantarā.

Ekavīsatikappamhi, vimalo nāma khattiyo; Cāturanto vijitāvī, cakkavattī bhavissati.

Nagaraṁ reṇuvatī nāma, iṭṭhakāhi sumāpitaṁ; Āyāmato tīṇi sataṁ, caturassasamāyutaṁ.

Sudassano nāma pāsādo, vissakammena māpito;
vissakammena māpito → vissakammena nimmito (bj); visukammena māpito (sya1ed, sya2ed, mr) Kūṭāgāravarūpeto, sattaratanabhūsito.

Dasasaddāvivittaṁ taṁ, vijjādharasamākulaṁ;
Dasasaddāvivittaṁ taṁ → dasa saddā avivittaṁ (bj, pts-vp-pli1) Sudassanaṁva nagaraṁ, devatānaṁ bhavissati.

Pabhā niggacchate tassa, uggacchanteva sūriye; Virocessati taṁ niccaṁ, samantā aṭṭhayojanaṁ.

Kappasatasahassamhi, okkākakulasambhavo; Gotamo nāma gottena, satthā loke bhavissati.

Tusitā so cavitvāna, sukkamūlena codito; Gotamassa bhagavato, atrajo so bhavissati.

Sacevaseyya agāraṁ, cakkavattī bhaveyya so;
Sacevaseyya agāraṁ → sace vaseyyāgāraṁ (bj); sace vaseyya āgāraṁ (pts-vp-pli1); sacā'vaseyya (?) Aṭṭhānametaṁ yaṁ tādī, agāre ratimajjhagā.

Nikkhamitvā agāramhā, pabbajissati subbato; Rāhulo nāma nāmena, arahā so bhavissati’.

Kikīva aṇḍaṁ rakkheyya, cāmarī viya vāladhiṁ; Nipako sīlasampanno, evaṁ rakkhiṁ mahāmuni.
evaṁ rakkhiṁ mahāmuni → evaṁ rakkhiṁ mahāmune (bj); mamaṁ dakkhi mahāmuni (sya1ed, sya2ed); mamaṁ rakkhi mahāmuni (pts-vp-pli1, csp1ed) 19Th1.A:7 (22 piṭṭhe)

Tassāhaṁ dhammamaññāya, vihāsiṁ sāsane rato; Sabbāsave pariññāya, viharāmi anāsavo.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā rāhulo thero imā gāthāyo abhāsitthāti.

Rāhulattherassāpadānaṁ chaṭṭhaṁ.