“Padumuttaraṁ bhagavantaṁ, lokajeṭṭhaṁ narāsabhaṁ; Pabbhāramhi nisīdantaṁ, upagacchiṁ naruttamaṁ.

Kaṇikārapupphaṁ disvā, vaṇṭe chetvānahaṁ tadā;
Kaṇikārapupphaṁ → kaṇikāraṁ pupphitaṁ (bj, sya1ed, sya2ed, pts-vp-pli1) Alaṅkaritvā chattamhi, buddhassa abhiropayiṁ.

Piṇḍapātañca pādāsiṁ, paramannaṁ subhojanaṁ; Buddhena navame tattha, samaṇe aṭṭha bhojayiṁ.

Anumodi mahāvīro, sayambhū aggapuggalo; Iminā chattadānena, paramannapavecchanā.

Tena cittappasādena, sampattimanubhossasi; Chattiṁsakkhattuṁ devindo, devarajjaṁ karissati.

Ekavīsatikkhattuñca, cakkavattī bhavissati; Padesarajjaṁ vipulaṁ, gaṇanāto asaṅkhiyaṁ.

Satasahassito kappe, okkākakulasambhavo; Gotamo nāma gottena, satthā loke bhavissati.
satthā loke bhavissati → eso buddho bhavissati (sya1ed, sya2ed); esa buddho bhavissati. (pts-vp-pli1, mr)

Sāsane dibbamānamhi, manussattaṁ gamissati; Tassa dhammesu dāyādo, oraso dhammanimmito.

Upasenoti nāmena, hessati satthu sāvako; Samantapāsādikattā, aggaṭṭhāne ṭhapessati.
Samantapāsādikattā → idaṁ pādadvayaṁ si, sya1ed, sya2ed, pts1ed potthakesu natthi, theragāthāaṭṭhakathāyameva

Carimaṁ vattate mayhaṁ, bhavā sabbe samūhatā; Dhāremi antimaṁ dehaṁ, jetvā māraṁ savāhiniṁ.
savāhiniṁ → savāhanaṁ (bj, sya1ed, sya2ed, pts-vp-pli1, csp1ed)

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā upaseno vaṅgantaputto thero imā gāthāyo abhāsitthāti.

Upasenavaṅgantaputtattherassāpadānaṁ sattamaṁ.
Tatiyabhāṇavāraṁ.