“Kesariṁ abhijātaṁva, aggikkhandhaṁva pabbate; Obhāsentaṁ disā sabbā, siddhatthaṁ pabbatantare.
Obhāsentaṁ disā sabbā → disāsinnaṁ (sya1ed, sya2ed); nivāsentaṁ (mr)

Sūriyassa ca ālokaṁ, candālokaṁ tatheva ca; Buddhālokañca disvāna, vitti me udapajjatha.

Tayo āloke disvāna, sambuddhaṁ sāvakuttamaṁ;
sambuddhaṁ → buddhañca (bj); disvāna (sya1ed, sya2ed, pts-vp-pli1) Ekaṁsaṁ ajinaṁ katvā, santhaviṁ lokanāyakaṁ.

Tayo hi ālokakarā, loke lokatamonudā; Cando ca sūriyo cāpi, buddho ca lokanāyako.

Opammaṁ upadassetvā, kittito me mahāmuni; Buddhassa vaṇṇaṁ kittetvā, kappaṁ saggamhi modahaṁ.

Catunnavutito kappe, yaṁ buddhamabhikittayiṁ; Duggatiṁ nābhijānāmi, kittanāya idaṁ phalaṁ.

Ekasaṭṭhimhito kappe, eko ñāṇadharo ahu; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā tiraṁsiyo thero imā gāthāyo abhāsitthāti.

Tiraṁsiyattherassāpadānaṁ aṭṭhamaṁ.