“Kakudhaṁ vilasantaṁva, nisabhājāniyaṁ yathā; Osadhiṁva virocantaṁ, obhāsantaṁ narāsabhaṁ.

Añjaliṁ paggahetvāna, avandiṁ satthuno ahaṁ; Satthāraṁ parivaṇṇesiṁ, sakakammena tosayiṁ.
tosayiṁ → tosito (bj, pts-vp-pli1)

Susuddhaṁ pulinaṁ gayha, gatamagge samokiriṁ;
pulinaṁ → puḷinaṁ (sya1ed, sya2ed) Ucchaṅgena gahetvāna, vipassissa mahesino.

Tato upaḍḍhapulinaṁ, vippasannena cetasā; Divāvihāre osiñciṁ, dvipadindassa tādino.

Ekanavutito kappe, pulinaṁ yamasiñcahaṁ; Duggatiṁ nābhijānāmi, pulinassa idaṁ phalaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā pulinapūjako thero imā gāthāyo abhāsitthāti.
pulinapūjako → puḷinapūjako (sya1ed, sya2ed)

Pulinapūjakattherassāpadānaṁ dutiyaṁ.