“Sattāhaṁ paṭisallīnaṁ, sayambhuṁ aggapuggalaṁ; Pasannacitto sumano, buddhaseṭṭhaṁ upaṭṭhahiṁ.

Vuṭṭhitaṁ kālamaññāya, padumuttaraṁ mahāmuniṁ; Mahantiṁ kadalīkaṇṇiṁ, gahetvā upagacchahaṁ.

Paṭiggahetvā bhagavā, sabbaññū lokanāyako;
Paṭiggahetvā → paṭiggahesi (sya1ed, sya2ed, mr) sabbaññū → taṁ phalaṁ (bj, pts-vp-pli1) Mama cittaṁ pasādento, paribhuñji mahāmuni.

Paribhuñjitvā sambuddho, satthavāho anuttaro; Sakāsane nisīditvā, imā gāthā abhāsatha.

‘Ye ca santi samitāro, yakkhā imamhi pabbate;
ca santi samitāro → ye vasanti sametāro (bj, pts-vp-pli1); ye ca santi samītāro (sya1ed, sya2ed) Araññe bhūtabhabyāni, suṇantu vacanaṁ mama.
bhūtabhabyāni → bhūtagaṇā sabbe (sya1ed, sya2ed)

Yo so buddhaṁ upaṭṭhāsi, migarājaṁva kesariṁ;
migarājaṁva kesariṁ → migarājāva kesarī (bj, pts-vp-pli1) Tamahaṁ kittayissāmi, suṇātha mama bhāsato.

Ekādasañcakkhattuṁ so, devarājā bhavissati;
Ekādasañcakkhattuṁ so → soyamekādasakkhattuṁ (bj, pts-vp-pli1); ekādasañca khattuṁ so (sya1ed, sya2ed) Catutiṁsatikkhattuñca, cakkavattī bhavissati.

Kappasatasahassamhi, okkākakulasambhavo; Gotamo nāma gottena, satthā loke bhavissati.

Akkositvāna samaṇe, sīlavante anāsave; Pāpakammavipākena, nāmadheyyaṁ labhissati.
labhissati → bhavissati (mr)

Tassa dhamme sudāyādo, oraso dhammanimmito; Kuṇḍadhānoti nāmena, sāvako so bhavissati’.

Pavivekamanuyutto, jhāyī jhānarato ahaṁ; Tosayitvāna satthāraṁ, viharāmi anāsavo.

Sāvakehi parivuto, bhikkhusaṅghapurakkhato;
Sāvakehi → sāvakaggehi (bj, pts-vp-pli1) Bhikkhusaṅghe nisīditvā, salākaṁ gāhayī jino.

Ekaṁsaṁ cīvaraṁ katvā, vanditvā lokanāyakaṁ; Vadataṁ varassa purato, paṭhamaṁ aggahesahaṁ.

Tena kammena bhagavā, dasasahassikampako; Bhikkhusaṅghe nisīditvā, aggaṭṭhāne ṭhapesi maṁ.

Vīriyaṁ me dhuradhorayhaṁ, yogakkhemādhivāhanaṁ; Dhāremi antimaṁ dehaṁ, sammāsambuddhasāsane.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā kuṇḍadhāno thero imā gāthāyo abhāsitthāti.

Kuṇḍadhānattherassāpadānaṁ paṭhamaṁ.