“Suvaṇṇavaṇṇaṁ sambuddhaṁ, gacchantaṁ anilañjase; Ghatāsanaṁva jalitaṁ, ādittaṁva hutāsanaṁ.

Pāṇinā udakaṁ gayha, ākāse ukkhipiṁ ahaṁ; Sampaṭicchi mahāvīro, buddho kāruṇiko isi.

Antalikkhe ṭhito satthā, padumuttaranāmako; Mama saṅkappamaññāya, imaṁ gāthamabhāsatha.

‘Iminā dakadānena, pītiuppādanena ca; Kappasatasahassampi, duggatiṁ nupapajjati’.
nupapajjati → nūpapajjasi (bj, sya-all); nupapajjasi (cck)

Tena kammena dvipadinda, lokajeṭṭha narāsabha;
dvipadinda → dipadinda (bj, sya-all) Pattomhi acalaṁ ṭhānaṁ, hitvā jayaparājayaṁ.

Sahassarājanāmena, tayo ca cakkavattino; Pañcasaṭṭhikappasate, cāturantā janādhipā.
cāturantā → cāturanto (sya-all)

Paṭisambhidā catasso, …pe… kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā udakapūjako thero imā gāthāyo abhāsitthāti.

Udakapūjakattherassāpadānaṁ dutiyaṁ.
udakapūjakattherassāpadānaṁ → udakapūjakattherassa apadānaṁ (bj)