“Nagare haṁsavatiyā, ahosiṁ tiṇahārako; Tiṇahārena jīvāmi, tena posemi dārake.

Padumuttaro nāma jino, sabbadhammāna pāragū; Tamandhakāraṁ nāsetvā, uppajji lokanāyako.

Sake ghare nisīditvā, evaṁ cintesahaṁ tadā; ‘Buddho loke samuppanno, deyyadhammo ca natthi me.

Idaṁ me sāṭakaṁ ekaṁ, natthi me koci dāyako; Dukkho nirayasamphasso, ropayissāmi dakkhiṇaṁ’.

Evāhaṁ cintayitvāna, sakaṁ cittaṁ pasādayiṁ; Ekaṁ dussaṁ gahetvāna, buddhaseṭṭhassadāsahaṁ.

Ekaṁ dussaṁ daditvāna, ukkuṭṭhiṁ sampavattayiṁ; Yadi buddho tuvaṁ vīra, tārehi maṁ mahāmuni.

Padumuttaro lokavidū, āhutīnaṁ paṭiggaho; Mama dānaṁ pakittento, akā me anumodanaṁ.

‘Iminā ekadussena, cetanāpaṇidhīhi ca; Kappasatasahassāni, vinipātaṁ na gacchati.
kappasatasahassāni → kappasatahassāni (bj)

Chattiṁsakkhattuṁ devindo, devarajjaṁ karissati; Tettiṁsakkhattuṁ rājā ca, cakkavattī bhavissati;
cakkavattī → cakkavatti (sya-all) Padesarajjaṁ vipulaṁ, gaṇanāto asaṅkhiyaṁ.
asaṅkhiyaṁ → asaṅkhayaṁ (sya-all)

Devaloke manusse vā, saṁsaranto tuvaṁ bhave; Rūpavā guṇasampanno, anavakkantadehavā; Akkhobhaṁ amitaṁ dussaṁ, labhissati yadicchakaṁ’.
labhissati → labhissasi (bj, cck) | labhissati yadicchakaṁ → bhavissati yathicchakaṁ (sya-all)

Idaṁ vatvāna sambuddho, jalajuttamanāmako; Nabhaṁ abbhuggamī dhīro, haṁsarājāva ambare.
abbhuggamī → abbhuggami (sya-all)

Yaṁ yaṁ yonupapajjāmi, devattaṁ atha mānusaṁ;
yonupapajjāmi → yonūpapajjāmi (sya-all) Bhoge me ūnatā natthi, ekadussassidaṁ phalaṁ.

Paduddhāre paduddhāre, dussaṁ nibbattate mamaṁ;
mamaṁ heṭṭhā dussamhi → mama heṭṭhādussambhi (bj) Heṭṭhā dussamhi tiṭṭhāmi, upari chadanaṁ mama.

Cakkavāḷamupādāya, sakānanaṁ sapabbataṁ; Icchamāno cahaṁ ajja, dussehi chādayeyyahaṁ.
dussehi chādayeyyahaṁ → dussehacchādayeyyahaṁ (sya-all)

Teneva ekadussena, saṁsaranto bhavābhave; Suvaṇṇavaṇṇo hutvāna, saṁsarāmi bhavābhave.

Vipākaṁ ekadussassa, najjhagaṁ katthacikkhayaṁ;
najjhagaṁ katthacikkhayaṁ → nājjhagaṁ katthavikkhayaṁ (bj) Ayaṁ me antimā jāti, vipaccati idhāpi me.

Satasahassito kappe, yaṁ dussamadadiṁ tadā;
satasahassito → satasahasse ito (bj) Duggatiṁ nābhijānāmi, ekadussassidaṁ phalaṁ.
ekadussassidaṁ → gandhapūjāy idaṁ (pts)

Kilesā jhāpitā mayhaṁ, bhavā sabbe samūhatā; Nāgova bandhanaṁ chetvā, viharāmi anāsavo.

Paṭisambhidā catasso, …pe…
catasso → (pts) kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā ekadussadāyako thero imā gāthāyo abhāsitthāti.

Ekadussadāyakattherassāpadānaṁ catutthaṁ.
ekadussadāyakattherassāpadānaṁ → ekadussadāyakattherassa apadānaṁ (bj)