“Vipassī nāma sambuddho, lokajeṭṭho narāsabho;
nāma → sabbatthapi evameva Khīṇāsavehi sahito, saṅghārāme vasī tadā.

Ārāmadvārā nikkhamma, vipassī lokanāyako;
vipassī → sabbatthapi evameva Saha satasahassehi, aṭṭha khīṇāsavehi so.
aṭṭha → aṭṭha (mr); saha (?)

Ajinena nivatthohaṁ, vākacīradharopi ca; Kusumodakamādāya, sambuddhaṁ upasaṅkamiṁ.
Kusumodakamādāya → kusumbhodaka … (bj, sya1ed, sya2ed, pts-vp-pli1)

Sakaṁ cittaṁ pasādetvā, vedajāto katañjalī; Kusumodakamādāya, buddhamabbhukkiriṁ ahaṁ.

Tena kammena sambuddho, jalajuttamanāmako;
jalajuttamanāmako → sabbatthapi evameva Mama kammaṁ pakittetvā, agamā yena patthitaṁ.

Phusitā pañcasahassā, yehi pūjesahaṁ jinaṁ;
Phusitā → phussitā (sya1ed, sya2ed) Aḍḍhateyyasahassehi, devarajjaṁ akārayiṁ.

Aḍḍhateyyasahassehi, cakkavattī ahosahaṁ; Avasesena kammena, arahattamapāpuṇiṁ.

Devarājā yadā homi, manujādhipatī yadā;
yadā homi → yadāhosiṁ (sya1ed, sya2ed); yadā ahosiṁ (mr) yadā → tadā (sya1ed, sya2ed, mr); yathā (pts-vp-pli1) Tameva nāmadheyyaṁ me, phusito nāma homahaṁ.

Devabhūtassa santassa, athāpi mānusassa vā; Samantā byāmato mayhaṁ, phusitaṁva pavassati.

Bhavā ugghāṭitā mayhaṁ, kilesā jhāpitā mama; Sabbāsavaparikkhīṇo, phusitassa idaṁ phalaṁ.

Candanasseva me kāyā, tathā gandho pavāyati; Sarīrato mama gandho, aḍḍhakose pavāyati.

Dibbagandhaṁ sampavantaṁ, puññakammasamaṅginaṁ; Gandhaṁ ghatvāna jānanti, phusito āgato idha.

Sākhāpalāsakaṭṭhāni, tiṇānipi ca sabbaso; Mama saṅkappamaññāya, gandho sampajjate khaṇe.

Satasahassito kappe, candanaṁ abhipūjayiṁ;
Satasahassito → satasahasse ito (bj, sya1ed, sya2ed, pts-vp-pli1) Duggatiṁ nābhijānāmi, phusitassa idaṁ phalaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā phusitakampiyo thero imā gāthāyo abhāsitthāti.
phusitakampiyo → phussitakammiyo (sya1ed, sya2ed, pts-vp-pli1)

Phusitakampiyattherassāpadānaṁ pañcamaṁ.