“Padumuttaro nāma jino, sabbadhammāna pāragū; Bhavābhave vibhāvento, tāresi janataṁ bahuṁ.
tāresi → tāreti (sya-all, pts)

Haṁsarājā tadā homi, dijānaṁ pavaro ahaṁ; Jātassaraṁ samogayha, kīḷāmi haṁsakīḷitaṁ.

Padumuttaro lokavidū, āhutīnaṁ paṭiggaho; Jātassarassa upari, āgacchi tāvade jino.
āgacchi → S2 āgañchi. 10 S1 -nayakaṁ. (pts note)

Disvānahaṁ devadevaṁ, sayambhuṁ lokanāyakaṁ;
sayambhuṁ → sayambhūṁ (bj) Vaṇṭe chetvāna padumaṁ, satapattaṁ manoramaṁ.

Mukhatuṇḍena paggayha, pasanno lokanāyake;
pasanno lokanāyake → vippasannena cetasā (sya1ed, sya2ed) | pasanno lokanāyake → vippasannena cetasā (sya-all) | lokanāyake → vippasannena cetasā (cck: syā.) | lokanāyake → names. The name of the Vagga should be Gandhathūpa. (pts note) Ukkhipitvāna gagane, buddhaseṭṭhaṁ apūjayiṁ.
Ukkhipitvāna gagane → ukkhipitvā nalāṭena (mr) | gagane → gagaṇe (cck) | gagaṇe → ukkhipitvā nalāṭena (cck: ka.) | gagane → G. lātena; S1 lājena. (pts note) buddhaseṭṭhaṁ → buddhasettham (pts)

Padumuttaro lokavidū, āhutīnaṁ paṭiggaho; Antalikkhe ṭhito satthā, akā me anumodanaṁ.
akā me → akāsi (sya-all)

‘Iminā ekapadumena, cetanāpaṇidhīhi ca; Kappānaṁ satasahassaṁ, vinipātaṁ na gacchasi’.
gacchasi → S2 na gañchasi. (pts note)

Idaṁ vatvāna sambuddho, jalajuttamanāmako;
jalajuttamanāmako → G. -uttaranāyako. (pts note) Mama kammaṁ pakittetvā, agamā yena patthitaṁ.

Satasahassito kappe, yaṁ kammamakariṁ tadā;
satasahassito → satasahasse ito (bj, sya-all, pts) Duggatiṁ nābhijānāmi, buddhapūjāyidaṁ phalaṁ.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā ekapadumiyo thero imā gāthāyo abhāsitthāti.

Ekapadumiyattherassāpadānaṁ paṭhamaṁ.
ekapadumiyattherassāpadānaṁ → ekapadumiyattherassa apadānaṁ (bj)