“Padumuttaranāthassa, padumaṁ nāma cetiyaṁ; Silāsanaṁ kārayitvā, suvaṇṇenābhilepayiṁ.
Silāsanaṁ → silāpaṭaṁ (sya1ed, sya2ed); sīhāsanaṁ (pts-vp-pli1, mr)

Ratanāmayachattañca, paggayha vāḷabījaniṁ;
vāḷabījaniṁ → vāḷavījaniṁ (bj); vālavījaniṁ (sya1ed, sya2ed, pts-vp-pli1) Buddhassa abhiropesiṁ, lokabandhussa tādino.

Yāvatā devatā bhummā, sabbe sannipatuṁ tadā;
bhummā → bhūmā (mr) Ratanāmayachattānaṁ, vipākaṁ kathayissati.

Tañca sabbaṁ suṇissāma, kathayantassa satthuno; Bhiyyo hāsaṁ janeyyāma, sammāsambuddhasāsane.

Hemāsane nisīditvā, sayambhū aggapuggalo; Bhikkhusaṅghaparibyūḷho, imā gāthā abhāsatha.
Bhikkhusaṅghaparibyūḷho → … paribbūḷho (bj, pts-vp-pli1); … paribyuḷho (sya1ed, sya2ed)

‘Yenidaṁ āsanaṁ dinnaṁ, sovaṇṇaṁ ratanāmayaṁ; Tamahaṁ kittayissāmi, suṇātha mama bhāsato.

Tiṁsa kappāni devindo, devarajjaṁ karissati; Samantā yojanasataṁ, ābhāyābhibhavissati.

Manussalokamāgantvā, cakkavattī bhavissati; Pabhassaroti nāmena, uggatejo bhavissati.

Divā vā yadi vā rattiṁ, sataraṁsīva uggato; Samantā aṭṭharatanaṁ, ujjotissati khattiyo.

Kappasatasahassamhi, okkākakulasambhavo; Gotamo nāma gottena, satthā loke bhavissati.

Tusitā hi cavitvāna, sukkamūlena codito; Kaccāno nāma nāmena, brahmabandhu bhavissati.

So pacchā pabbajitvāna, arahā hessatināsavo; Gotamo lokapajjoto, aggaṭṭhāne ṭhapessati.

Saṅkhittapucchitaṁ pañhaṁ, vitthārena kathessati;
Saṅkhittapucchitaṁ → saṅkhittaṁ pucchitaṁ (sya1ed, sya2ed, pts-vp-pli1, mr) Kathayanto ca taṁ pañhaṁ, ajjhāsayaṁ pūrayissati’.
ajjhāsayaṁ → ajjhāsaṁ (bj, pts-vp-pli1); abbhāsaṁ (mr)

Aḍḍhe kule abhijāto, brāhmaṇo mantapāragū; Ohāya dhanadhaññāni, pabbajiṁ anagāriyaṁ.

Saṅkhittenapi pucchante, vitthārena kathemahaṁ; Ajjhāsayaṁ tesaṁ pūremi, tosemi dvipaduttamaṁ.

Tosito me mahāvīro, sayambhū aggapuggalo; Bhikkhusaṅghe nisīditvā, etadagge ṭhapesi maṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā mahākaccāno thero imā gāthāyo abhāsitthāti.
mahākaccāno → mahākaccāyano (sya1ed, sya2ed)

Mahākaccānattherassāpadānaṁ tatiyaṁ.