“Padumuttarabuddhassa, lokajeṭṭhassa tādino; Addhānaṁ paṭipannassa, carato cārikaṁ tadā.

Suphullaṁ padumaṁ gayha, uppalaṁ mallikañcahaṁ; Paramannaṁ gahetvāna, adāsiṁ satthuno ahaṁ.

Paribhuñji mahāvīro, paramannaṁ subhojanaṁ; Tañca pupphaṁ gahetvāna, janassa sampadassayi.

Iṭṭhaṁ kantaṁ piyaṁ loke, jalajaṁ pupphamuttamaṁ;
kantaṁ → kantayidaṁ (sya1ed, sya2ed) Sudukkaraṁ kataṁ tena, yo me pupphaṁ adāsidaṁ.
taṁ → so (bj, pts-vp-pli1)

Yo pupphamabhiropesi, paramannañcadāsi me; Tamahaṁ kittayissāmi, suṇātha mama bhāsato.

‘Dasa aṭṭha cakkhattuṁ so, devarajjaṁ karissati;
Dasa aṭṭha cakkhattuṁ → dasa caṭṭhakkhattuṁ (bj); dasamaṭṭhakkhattuñca (sya1ed, sya2ed); dasa caṭṭha cakkhattuñ (pts-vp-pli1) Uppalaṁ padumañcāpi, mallikañca taduttari.

Assa puññavipākena, dibbagandhasamāyutaṁ; Ākāse chadanaṁ katvā, dhārayissati tāvade.

Pañcavīsatikkhattuñca, cakkavattī bhavissati; Pathabyā rajjaṁ pañcasataṁ, vasudhaṁ āvasissati.

Kappasatasahassamhi, okkākakulasambhavo; Gotamo nāma gottena, satthā loke bhavissati.
gottena → nāmena (sya1ed, sya2ed, mr)

Sakakammābhiraddho so, sukkamūlena codito; Sakyānaṁ nandijanano, ñātibandhu bhavissati.

So pacchā pabbajitvāna, sukkamūlena codito; Sabbāsave pariññāya, nibbāyissatināsavo.

Paṭisambhidamanuppattaṁ, katakiccamanāsavaṁ; Gotamo lokabandhu taṁ, etadagge ṭhapessati.

Padhānapahitatto so, upasanto nirūpadhi; Udāyī nāma nāmena, hessati satthu sāvako’.

Rāgo doso ca moho ca, māno makkho ca dhaṁsito; Sabbāsave pariññāya, viharāmi anāsavo.

Tosayiñcāpi sambuddhaṁ, ātāpī nipako ahaṁ; Pasādito ca sambuddho, etadagge ṭhapesi maṁ.
Pasādito → pamodito (bj, pts-vp-pli1)

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā kāḷudāyī thero imā gāthāyo abhāsitthāti.
kāḷudāyī → kāḷudāyi (sya1ed, sya2ed)

Kāḷudāyittherassāpadānaṁ catutthaṁ.