“Pāṭaliṁ haritaṁ disvā, pādapaṁ dharaṇīruhaṁ;
haritaṁ → jalitaṁ (sya-all) | haritaṁ → G. pāṭali-. (pts note) Ekaṁsaṁ añjaliṁ katvā, avandiṁ pāṭaliṁ ahaṁ.

Añjaliṁ paggahetvāna, garuṁ katvāna mānasaṁ; Antosuddhaṁ bahisuddhaṁ, suvimuttamanāsavaṁ.
bahisuddhaṁ suvimuttamanāsavaṁ → bahiṁ suddhaṁ suvimuttam anāsavaṁ (pts) | suddhaṁ → G. bahi-. (pts note)

Vipassiṁ lokamahitaṁ, karuṇāñāṇasāgaraṁ; Sammukhā viya sambuddhaṁ, avandiṁ pāṭaliṁ ahaṁ.

Ekanavutito kappe, yaṁ bodhimabhivandahaṁ;
ekanavutito → ekanavute ito (bj, sya-all) bodhimabhivandahaṁ → bodhimabhivandihaṁ (sya-all) | ahaṁ → G. abhivandi 'haṁ; S1 abhivandiyaṁ. (pts note) Duggatiṁ nābhijānāmi, vandanāya idaṁ phalaṁ.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā bodhivandako thero imā gāthāyo abhāsitthāti.

Bodhivandakattherassāpadānaṁ paṭhamaṁ.
bodhivandakattherassāpadānaṁ → bodhivandakattherassa apadānaṁ (bj)