“Kaṇikāraṁva jalitaṁ, dīparukkhaṁva ujjalaṁ;
jalitaṁ → jotantaṁ (bj) ujjalaṁ → jotitaṁ (sya1ed, sya2ed, pts-vp-pli1) Osadhiṁva virocantaṁ, vijjutaṁ gagane yathā.

Asambhītaṁ anuttāsiṁ, migarājaṁva kesariṁ; Ñāṇālokaṁ pakāsentaṁ, maddantaṁ titthiye gaṇe.

Uddharantaṁ imaṁ lokaṁ, chindantaṁ sabbasaṁsayaṁ; Gajjantaṁ migarājaṁva, addasaṁ lokanāyakaṁ.
Gajjantaṁ → asambhītaṁ (sya1ed, sya2ed); lasantaṁ (pts-vp-pli1); gacchantaṁ (mr)

Jaṭājinadharo āsiṁ, brahā uju patāpavā; Vākacīraṁ gahetvāna, pādamūle apatthariṁ.

Kāḷānusāriyaṁ gayha, anulimpiṁ tathāgataṁ; Sambuddhamanulimpetvā, santhaviṁ lokanāyakaṁ.

‘Samuddharasimaṁ lokaṁ, oghatiṇṇamahāmuni;
oghatiṇṇamahāmuni → oghatiṇṇo mahāmuni (sya1ed, sya2ed, mr) Ñāṇālokena jotesi, nāvaṭaṁ ñāṇamuttamaṁ.
nāvaṭaṁ → pavaraṁ (sya1ed, sya2ed); vajira (pts-vp-pli1)

Dhammacakkaṁ pavattesi, maddase paratitthiye;
Dhammacakkaṁ → tuvaṁ cakkaṁ (mr) Usabho jitasaṅgāmo, sampakampesi medaniṁ.

Mahāsamudde ūmiyo, velantamhi pabhijjare; Tatheva tava ñāṇamhi, sabbadiṭṭhī pabhijjare.

Sukhumacchikajālena, saramhi sampatānite; Antojālikatā pāṇā, pīḷitā honti tāvade.
Antojālikatā → … jālagatā (bj); … jāligatā (sya1ed, sya2ed, pts-vp-pli1)

Tatheva titthiyā loke, puthupāsaṇḍanissitā;
puthupāsaṇḍanissitā → mūḷhā saccavinissiṭā (sya1ed, sya2ed); phutā saccavinissitā (pts-vp-pli1); phuṭṭhasaccavinissaṭā (mr) Antoñāṇavare tuyhaṁ, parivattanti mārisa.

Patiṭṭhā vuyhataṁ oghe, tvañhi nātho abandhunaṁ; Bhayaṭṭitānaṁ saraṇaṁ, muttitthīnaṁ parāyaṇaṁ.

Ekavīro asadiso, mettākaruṇasañcayo;
mettākaruṇasañcayo → karuṇāmettasañcayo (bj); mettākaruṇasaññuto (sya1ed, sya2ed); mettākāruṇādisañcayo (pts-vp-pli1) Asamo susamo santo, vasī tādī jitañjayo.
susamo santo → susīlo asamo santo (bj, pts-vp-pli1); paññavā yuttacāgo ca (sya1ed, sya2ed)

Dhīro vigatasammoho, anejo akathaṅkathī; Tusito vantadososi, nimmalo saṁyato suci.
Tusito → vusito (bj, pts-vp-pli1); tussito (sya1ed, sya2ed)

Saṅgātigo hatamado, tevijjo tibhavantago;
Saṅgātigo → saṅgātīto (sya1ed, sya2ed); saṅghātīto (pts-vp-pli1) | hatamado → gatamado (sya1ed, sya2ed, pts-vp-pli1); tamanudo (mr) Sīmātigo dhammagaru, gatattho hitavabbhuto.
hitavabbhuto → hitavappatho (bj); hitavappako (sya1ed, sya2ed); hitadhammato (pts-vp-pli1)

Tārako tvaṁ yathā nāvā, nidhīvassāsakārako; Asambhīto yathā sīho, gajarājāva dappito’.

Thometvā dasagāthāhi, padumuttaraṁ mahāyasaṁ; Vanditvā satthuno pāde, tuṇhī aṭṭhāsahaṁ tadā.

Padumuttaro lokavidū, āhutīnaṁ paṭiggaho; Bhikkhusaṅghe ṭhito satthā, imā gāthā abhāsatha.

‘Yo me sīlañca ñāṇañca, saddhammañcāpi vaṇṇayi;
ñāṇañca → paññañca (sya1ed, sya2ed) saddhammañcāpi vaṇṇayi → dhammañcāpi pakittayi (bj, sya1ed, sya2ed, pts-vp-pli1) Tamahaṁ kittayissāmi, suṇātha mama bhāsato.

Saṭṭhi kappasahassāni, devaloke ramissati; Aññe devebhibhavitvā, issaraṁ kārayissati.

So pacchā pabbajitvāna, sukkamūlena codito; Gotamassa bhagavato, sāsane pabbajissati.

Pabbajitvāna kāyena, pāpakammaṁ vivajjiya; Sabbāsave pariññāya, nibbāyissatināsavo’.

Yathāpi megho thanayaṁ, tappeti mediniṁ imaṁ; Tatheva tvaṁ mahāvīra, dhammena tappayī mamaṁ.

Sīlaṁ paññañca dhammañca, thavitvā lokanāyakaṁ; Pattomhi paramaṁ santiṁ, nibbānaṁ padamaccutaṁ.

Aho nūna sa bhagavā, ciraṁ tiṭṭheyya cakkhumā; Aññātañca vijāneyyuṁ, phuseyyuṁ amataṁ padaṁ.
phuseyyuṁ → aññātañca vijāneyyaṁ passeyyaṁ (sya1ed, sya2ed); aññātañca vijāneyyaṁ phasseyyam (pts-vp-pli1); passeyya (mr)

Ayaṁ me pacchimā jāti, bhavā sabbe samūhatā; Sabbāsave pariññāya, viharāmi anāsavo.

Satasahassito kappe, yaṁ buddhamabhithomayiṁ; Duggatiṁ nābhijānāmi, kittanāya idaṁ phalaṁ.

Kilesā jhāpitā mayhaṁ, bhavā sabbe samūhatā; Sabbāsavā parikkhīṇā, natthi dāni punabbhavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sabbakittiko thero imā gāthāyo abhāsitthāti.

Sabbakittikattherassāpadānaṁ tatiyaṁ.