“Sindhuyā nadiyā tīre, sukato assamo mama; Tattha vācemahaṁ sisse, itihāsaṁ salakkhaṇaṁ.

Dhammakāmā vinītā te, sotukāmā susāsanaṁ; Chaḷaṅge pāramippattā, sindhukūle vasanti te.

Uppātagamane ceva, lakkhaṇesu ca kovidā; Uttamatthaṁ gavesantā, vasanti vipine tadā.

Sumedho nāma sambuddho, loke uppajji tāvade; Amhākaṁ anukampanto, upāgacchi vināyako.

Upāgataṁ mahāvīraṁ, sumedhaṁ lokanāyakaṁ; Tiṇasanthārakaṁ katvā, lokajeṭṭhassadāsahaṁ.

Vipināto madhuṁ gayha, buddhaseṭṭhassadāsahaṁ; Sambuddho paribhuñjitvā, idaṁ vacanamabravi.

‘Yo taṁ adāsi madhuṁ me, pasanno sehi pāṇibhi; Tamahaṁ kittayissāmi, suṇātha mama bhāsato.

Iminā madhudānena, tiṇasanthārakena ca; Tiṁsa kappasahassāni, devaloke ramissati.

Tiṁsa kappasahassamhi, okkākakulasambhavo; Gotamo nāma gottena, satthā loke bhavissati.

Tassa dhammesu dāyādo, oraso dhammanimmito; Sabbāsave pariññāya, nibbāyissatināsavo’.

Devalokā idhāgantvā, mātukucchiṁ upāgate; Madhuvassaṁ pavassittha, chādayaṁ madhunā mahiṁ.

Mayi nikkhantamattamhi, kucchiyā ca suduttarā; Tatrāpi madhuvassaṁ me, vassate niccakālikaṁ.

Agārā abhinikkhamma, pabbajiṁ anagāriyaṁ; Lābhī annassa pānassa, madhudānassidaṁ phalaṁ.

Sabbakāmasamiddhohaṁ, bhavitvā devamānuse; Teneva madhudānena, pattomhi āsavakkhayaṁ.

Vuṭṭhamhi deve caturaṅgule tiṇe, sampupphite dharaṇīruhe sañchanne;
sampupphite → supupphite (sya1ed, sya2ed); samphīte (pts-vp-pli1) | sañchanne → vappadese (sya1ed, sya2ed); ca chappade (pts-vp-pli1) Suññe ghare maṇḍaparukkhamūlake, vasāmi niccaṁ sukhito anāsavo.

Majjhe mahante hīne ca, bhave sabbe atikkamiṁ;
Majjhe mahante hīne ca → majjhe mayhaṁ bhavā assu (sya1ed, sya2ed, pts-vp-pli1, mr) bhave sabbe atikkamiṁ → ye bhave samatikkamiṁ (sya1ed, sya2ed, pts-vp-pli1); yo bhavesu pakittayi (mr) Ajja me āsavā khīṇā, natthi dāni punabbhavo.

Tiṁsakappasahassamhi, yaṁ dānamadadiṁ tadā; Duggatiṁ nābhijānāmi, madhudānassidaṁ phalaṁ.

Kilesā jhāpitā mayhaṁ, bhavā sabbe samūhatā; Sabbāsavā parikkhīṇā, natthi dāni punabbhavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā madhudāyako thero imā gāthāyo abhāsitthāti.

Madhudāyakattherassāpadānaṁ catutthaṁ.