Nandakattheraapadāna
“Migaluddo pure āsiṁ, araññe kānane ahaṁ;
ahaṁ → jinaṁ (bj) Pasadaṁ migamesanto, sayambhuṁ addasaṁ ahaṁ.Anuruddho nāma sambuddho, sayambhū aparājito; Vivekakāmo so dhīro, vanamajjhogahī tadā.
Catudaṇḍe gahetvāna, catuṭṭhāne ṭhapesahaṁ; Maṇḍapaṁ sukataṁ katvā, padmapupphehi chādayiṁ.
Maṇḍapaṁ chādayitvāna, sayambhuṁ abhivādayiṁ; Dhanuṁ tattheva nikkhippa, pabbajiṁ anagāriyaṁ.
Naciraṁ pabbajitassa, byādhi me udapajjatha;
pabbajitassa → pabbajitassa aciraṁ (bj) Pubbakammaṁ saritvāna, tattha kālaṅkato ahaṁ.Pubbakammena saṁyutto, tusitaṁ agamāsahaṁ; Tattha soṇṇamayaṁ byamhaṁ, nibbattati yadicchakaṁ.
Sahassayuttaṁ hayavāhiṁ, dibbayānamadhiṭṭhito; Āruhitvāna taṁ yānaṁ, gacchāmahaṁ yadicchakaṁ.
Tato me niyyamānassa, devabhūtassa me sato; Samantā yojanasataṁ, maṇḍapo me dharīyati.
Sayanehaṁ tuvaṭṭāmi, acchanne pupphasanthate;
acchanne → accantaṁ (bj); accanta (pts-vp-pli1) Antalikkhā ca padumā, vassante niccakālikaṁ.Marīcike phandamāne, tappamāne ca ātape; Na maṁ tāpeti ātāpo, maṇḍapassa idaṁ phalaṁ.
Duggatiṁ samatikkanto, apāyā pihitā mama; Maṇḍape rukkhamūle vā, santāpo me na vijjati.
Mahīsaññaṁ adhiṭṭhāya, loṇatoyaṁ tarāmahaṁ; Tassa me sukataṁ kammaṁ, buddhapūjāyidaṁ phalaṁ.
Apathampi pathaṁ katvā, gacchāmi anilañjase;
Apathampi → abbhamhi (sya1ed, sya2ed, mr) Aho me sukataṁ kammaṁ, buddhapūjāyidaṁ phalaṁ.Pubbenivāsaṁ jānāmi, dibbacakkhu visodhitaṁ; Āsavā me parikkhīṇā, buddhapūjāyidaṁ phalaṁ.
Jahitā purimā jāti, buddhassa oraso ahaṁ; Dāyādomhi ca saddhamme, buddhapūjāyidaṁ phalaṁ.
Ārādhitomhi sugataṁ, gotamaṁ sakyapuṅgavaṁ; Dhammadhajo dhammadāyādo, buddhapūjāyidaṁ phalaṁ.
dhammadāyādo → dhammādāso (mr)Upaṭṭhitvāna sambuddhaṁ, gotamaṁ sakyapuṅgavaṁ; Pāraṅgamaniyaṁ maggaṁ, apucchiṁ lokanāyakaṁ.
Ajjhiṭṭho kathayī buddho, gambhīraṁ nipuṇaṁ padaṁ; Tassāhaṁ dhammaṁ sutvāna, pattomhi āsavakkhayaṁ.
Aho me sukataṁ kammaṁ, parimuttomhi jātiyā; Sabbāsavaparikkhīṇo, natthi dāni punabbhavo.
Kilesā jhāpitā mayhaṁ, …pe… viharāmi anāsavo.
