“Nagare haṁsavatiyā, seṭṭhiputto ahosahaṁ; Samappito kāmaguṇe, paricāremahaṁ tadā.

Tato pāsādamāruyha, mahābhoge valañjako;
Tato → tayo (bj) mahābhoge valañjako → ubbiddhā gehalañchakā (bj, pts-vp-pli1); ubbiddhā gehaluñjakā (mr) Tattha naccehi gītehi, paricāremahaṁ tadā.

Tūriyā āhatā mayhaṁ, sammatāḷasamāhitā; Naccantā itthiyo sabbā, harantiyeva me mano.
Naccantā → rañjantī (sya1ed, sya2ed); rajjantā (mr)

Celāpikā vāmanikā, kuñjavāsī timajjhikā;
Celāpikā → celāvakā (sya1ed, sya2ed); velāmikā (pts-vp-pli1) | vāmanikā → lāmaṇikā (bj, csp1ed) kuñjavāsī timajjhikā → kuñjavā sīhimajjhitā (sya1ed, sya2ed); kujjā vā sīhimajjhikā (pts-vp-pli1) Laṅghikā sokajjhāyī ca, parivārenti maṁ sadā.

Vetāḷino kumbhathūnī, naṭā ca naccakā bahū; Naṭakā nāṭakā ceva, parivārenti maṁ sadā.

Kappakā nhāpakā sūdā, mālākārā supāsakā;
supāsakā → sumāpakā (bj, pts-vp-pli1) Jallā mallā ca te sabbe, parivārenti maṁ sadā.

Etesu kīḷamānesu, sikkhite katupāsane; Rattindivaṁ na jānāmi, indova tidasaṅgaṇe.

Addhikā pathikā sabbe, yācakā varakā bahū; Upagacchanti te niccaṁ, bhikkhayantā mamaṁ gharaṁ.

Samaṇā brāhmaṇā ceva, puññakkhettā anuttarā; Vaḍḍhayantā mamaṁ puññaṁ, āgacchanti mamaṁ gharaṁ.

Paṭagā laṭukā sabbe, nigaṇṭhā pupphasāṭakā;
Paṭagā → paṭakā (bj, sya1ed, sya2ed); padakā (pts-vp-pli1) | laṭukā → laṭakā (bj) Tedaṇḍikā ekasikhā, āgacchanti mamaṁ gharaṁ.

Ājīvakā viluttāvī, godhammā devadhammikā; Rajojalladharā ete, āgacchanti mamaṁ gharaṁ.

Parittakā santipattā, kodhapugganikā bahū;
Parittakā santipattā → parivattakā siddhipattā (bj, sya1ed, sya2ed, pts-vp-pli1) kodhapugganikā → koṇḍapuggaṇikā (bj); koṇḍapuggalikā (pts-vp-pli1) Tapassī vanacārī ca, āgacchanti mamaṁ gharaṁ.

Oḍḍakā damiḷā ceva, sākuḷā malavāḷakā;
sākuḷā → sākulā (bj) | malavāḷakā → malayālakā (bj); malayāḷakā (sya1ed, sya2ed, pts-vp-pli1) Savarā yonakā ceva, āgacchanti mamaṁ gharaṁ.

Andhakā muṇḍakā sabbe, koṭalā hanuvindakā;
koṭalā hanuvindakā → kolakā sānuvindakā (bj, pts-vp-pli1); kuṭṭhalā sānuvindakā (sya1ed, sya2ed) Ārāvacīnaraṭṭhā ca, āgacchanti mamaṁ gharaṁ.

Alasandakā pallavakā, dhammarā niggamānusā;
Alasandakā → alasantā (mr) dhammarā niggamānusā → babbarā bhaggakārusā (bj, pts-vp-pli1); pabbatānaggamāruhā (sya1ed, sya2ed) Gehikā cetaputtā ca, āgacchanti mamaṁ gharaṁ.
Gehikā → rohitā (bj); bāhikā (sya1ed, sya2ed, pts-vp-pli1)

Mādhurakā kosalakā, kaliṅgā hatthiporikā;
kaliṅgā → kāsikā (bj, sya1ed, sya2ed, pts-vp-pli1) Isiṇḍā makkalā ceva, āgacchanti mamaṁ gharaṁ.

Celāvakā ārabbhā ca, oghuḷhā meghalā bahū;
ārabbhā → arammā (bj, pts-vp-pli1); ārambā (sya1ed, sya2ed) oghuḷhā → okkalā (bj, pts-vp-pli1); obhāsā (sya1ed, sya2ed) Khuddakā suddakā ceva, āgacchanti mamaṁ gharaṁ.

Rohaṇā sindhavā ceva, citakā ekakaṇṇikā; Suraṭṭhā aparantā ca, āgacchanti mamaṁ gharaṁ.

Suppārakā kumārā ca, mallasovaṇṇabhūmikā;
kumārā → kikumārā (bj, pts-vp-pli1) mallasovaṇṇabhūmikā → malayā soṇṇabhūmikā (bj, sya1ed, sya2ed); malayā soṇṇabhūmakā (pts-vp-pli1) Vajjītaṅgā ca te sabbe, āgacchanti mamaṁ gharaṁ.
Vajjītaṅgā → vajjī tārā (bj); vajjihārā (sya1ed, sya2ed, pts-vp-pli1)

Naḷakārā pesakārā, cammakārā ca tacchakā; Kammārā kumbhakārā ca, āgacchanti mamaṁ gharaṁ.

Maṇikārā lohakārā, soṇṇakārā ca dussikā; Tipukārā ca te sabbe, āgacchanti mamaṁ gharaṁ.

Usukārā bhamakārā, pesakārā ca gandhikā; Rajakā tunnavāyā ca, āgacchanti mamaṁ gharaṁ.

Telikā kaṭṭhahārā ca, udahārā ca pessikā; Sūpikā sūparakkhā ca, āgacchanti mamaṁ gharaṁ.

Dovārikā anīkaṭṭhā, bandhikā pupphachaḍḍakā;
bandhikā → vandikā (bj); ganthikā (sya1ed, sya2ed); sandhikā (pts-vp-pli1) Hatthāruhā hatthipālā, āgacchanti mamaṁ gharaṁ.

Ānandassa mahārañño, mamatthassa adāsahaṁ;
Ānandassa mahārañño → ānandassa nāma rañño (sya1ed, sya2ed); arindamānāma rañño (pts-vp-pli1) mamatthassa → pamattassa (bj, pts-vp-pli1); samaggassa (sya1ed, sya2ed) Sattavaṇṇena ratanena, ūnatthaṁ pūrayāmahaṁ.
ūnatthaṁ → ūnattaṁ (bj, sya1ed, sya2ed, pts-vp-pli1)

Ye mayā kittitā sabbe, nānāvaṇṇā bahū janā; Tesāhaṁ cittamaññāya, tappayiṁ ratanenahaṁ.

Vaggūsu bhāsamānāsu, vajjamānāsu bherisu; Saṅkhesu dhamayantesu, sakagehe ramāmahaṁ.

Bhagavā tamhi samaye, padumuttaranāyako; Vasīsatasahassehi, parikkhīṇāsavehi so.

Bhikkhūhi sahito vīthiṁ, paṭipajjittha cakkhumā; Obhāsento disā sabbā, dīparukkhova jotati.

Vajjanti bheriyo sabbā, gacchante lokanāyake; Pabhā niddhāvate tassa, sataraṁsīva uggato.

Kavāṭantarikāyāpi, paviṭṭhena ca rasminā; Antogharesu vipulo, āloko āsi tāvade.

Pabhaṁ disvāna buddhassa, pārisajje avocahaṁ; ‘Nissaṁsayaṁ buddhaseṭṭho, imaṁ vīthimupāgato’.

Khippaṁ oruyha pāsādā, agamiṁ antarāpaṇaṁ; Sambuddhaṁ abhivādetvā, idaṁ vacanamabraviṁ.

‘Anukampatu me buddho, jalajuttamanāyako; Vasīsatasahassehi, adhivāsesi so muni’.

Nimantetvāna sambuddhaṁ, abhinesiṁ sakaṁ gharaṁ; Tattha annena pānena, santappesiṁ mahāmuniṁ.

Bhuttāviṁ kālamaññāya, buddhaseṭṭhassa tādino; Sataṅgikena tūriyena, buddhaseṭṭhaṁ upaṭṭhahiṁ.

Padumuttaro lokavidū, āhutīnaṁ paṭiggaho; Antoghare nisīditvā, imā gāthā abhāsatha.

‘Yo maṁ tūriyehupaṭṭhāsi, annapānañcadāsi me; Tamahaṁ kittayissāmi, suṇātha mama bhāsato.

Pahūtabhakkho hutvāna, sahirañño sabhojano; Catudīpe ekarajjaṁ, kārayissatiyaṁ naro.

Pañca sīle samādāya, dasakammapathe tato; Samādāya pavattento, parisaṁ sikkhāpayissati.

Tūriyasatasahassāni, bheriyo samalaṅkatā; Vajjayissantimaṁ niccaṁ, upaṭṭhānassidaṁ phalaṁ.

Tiṁsakappasahassāni, devaloke ramissati; Catusaṭṭhikkhattuṁ devindo, devarajjaṁ karissati.

Catusaṭṭhikkhattuṁ rājā, cakkavattī bhavissati; Padesarajjaṁ vipulaṁ, gaṇanāto asaṅkhiyaṁ.

Kappasatasahassamhi, okkākakulasambhavo; Gotamo nāma gottena, satthā loke bhavissati.

Upapajjati yaṁ yoniṁ, devattaṁ atha mānusaṁ; Anūnabhogo hutvāna, manussattaṁ gamissati.

Ajjhāyako bhavitvāna, tiṇṇaṁ vedāna pāragū; Uttamatthaṁ gavesanto, carissati mahiṁ imaṁ.

So pacchā pabbajitvāna, sukkamūlena codito; Gotamassa bhagavato, sāsanebhiramissati.

Ārādhayitvāna sambuddhaṁ, gotamaṁ sakyapuṅgavaṁ; Kilese jhāpayitvāna, arahāyaṁ bhavissati’.

Vipine byaggharājāva, migarājāva kesarī; Abhīto viharāmajja, sakyaputtassa sāsane.

Devaloke manusse vā, dalidde duggatimhi vā; Nibbattiṁ me na passāmi, upaṭṭhānassidaṁ phalaṁ.

Vivekamanuyuttomhi, upasanto nirūpadhi; Nāgova bandhanaṁ chetvā, viharāmi anāsavo.

Kilesā jhāpitā mayhaṁ, …pe… viharāmi anāsavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā jatukaṇṇitthero imā gāthāyo abhāsitthāti.

Jatukaṇṇittherassāpadānaṁ navamaṁ.