“Araññe kuṭikaṁ katvā, vasāmi pabbatantare; Lābhālābhena santuṭṭho, yasena ayasena ca.

Padumuttaro lokavidū, āhutīnaṁ paṭiggaho; Vasīsatasahassehi, āgacchi mama santikaṁ.
Vasīsatasahassehi → bhikkhusatasahassehi (sya1ed, sya2ed)

Upāgataṁ mahānāgaṁ, jalajuttamanāmakaṁ;
mahānāgaṁ → mahāvīraṁ (bj, pts-vp-pli1) Tiṇasantharaṁ paññāpetvā, adāsiṁ satthuno ahaṁ.
Tiṇasantharaṁ → tiṇattharaṁ (mr)

Pasannacitto sumano, āmaṇḍaṁ pānīyañcahaṁ; Adāsiṁ ujubhūtassa, vippasannena cetasā.

Satasahassito kappe, yaṁ dānamadadiṁ tadā;
Satasahassito kappe → satasahasse ito kappe (bj); kappe ito satasahasse (sya1ed, sya2ed) Duggatiṁ nābhijānāmi, āmaṇḍassa idaṁ phalaṁ.

Ekatālīsakappamhi, eko āsiṁ arindamo; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sanniṭṭhāpako thero imā gāthāyo abhāsitthāti.
sanniṭṭhāpako → sannidhāpako (si, pts-vp-pli1)

Sanniṭṭhāpakattherassāpadānaṁ catutthaṁ.