Найдите Истину

В Палийских Суттах и Винае

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Note:Translations, dictionaries and commentaries were not made by the Blessed One.Cross-check with Pali in 4 main nikayas.

Pāḷi MS

  • Therāpadāna
  • Kiṅkaṇipupphavagga

Tikiṅkaṇipupphiyattheraapadāna

“Kaṇikāraṁva jotantaṁ, nisinnaṁ pabbatantare; Addasaṁ virajaṁ buddhaṁ, vipassiṁ lokanāyakaṁ.

Tīṇi kiṅkaṇipupphāni, paggayha abhiropayiṁ; Sambuddhamabhipūjetvā, gacchāmi dakkhiṇāmukho.

Tena kammena sukatena, cetanāpaṇidhīhi ca; Jahitvā mānusaṁ dehaṁ, tāvatiṁsamagacchahaṁ.

Ekanavutito kappe, yaṁ buddhamabhipūjayiṁ; Duggatiṁ nābhijānāmi, buddhapūjāyidaṁ phalaṁ.

Kilesā jhāpitā mayhaṁ, bhavā sabbe samūhatā; Nāgova bandhanaṁ chetvā, viharāmi anāsavo.

Svāgataṁ vata me āsi, mama buddhassa santike; Tisso vijjā anuppattā, kataṁ buddhassa sāsanaṁ.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā tikiṅkaṇipupphiyo thero imā gāthāyo abhāsitthāti.

Tikiṅkaṇipupphiyattherassāpadānaṁ paṭhamaṁ.

Principles by the Suttas · Rationale · Glossary

Search Chapters Compare History Export Memo Edit Translation Copy DharmaMitra 4nt Sutta Name Search PED