“Padumuttaro nāma jino, sabbadhammāna pāragū; Vuṭṭhahitvā samādhimhā, caṅkamī lokanāyako.
caṅkamī → caṅkami (bj, sya-all) | caṅkamī → G. caṅkami. (pts note)

Khāribhāraṁ gahetvāna, āharanto phalaṁ tadā;
āharanto → G. assādanto. (pts note) Addasaṁ virajaṁ buddhaṁ, caṅkamantaṁ mahāmuniṁ.

Pasannacitto sumano, sire katvāna añjaliṁ; Sambuddhaṁ abhivādetvā, āmaṇḍamadadiṁ phalaṁ.
āmaṇḍamadadiṁ → āmaṇḍam adadaṁ (pts)

Satasahassito kappe, yaṁ phalaṁ adadiṁ tadā;
satasahassito → satasahasse ito (bj, sya-all, pts) Duggatiṁ nābhijānāmi, āmaṇḍassa idaṁ phalaṁ.

Kilesā jhāpitā mayhaṁ, …pe…
jhāpitā mayhaṁ → (pts) viharāmi anāsavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe…
catasso → (pts) kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā āmaṇḍaphaladāyako thero imā gāthāyo abhāsitthāti.

Āmaṇḍaphaladāyakattherassāpadānaṁ navamaṁ.
āmaṇḍaphaladāyakattherassāpadānaṁ → āmaṇḍaphaladāyakattherassa apadānaṁ (bj)