“Imamhi bhaddake kappe, brahmabandhu mahāyaso; Kassapo nāma gottena, uppajji vadataṁ varo.
gottena → nāmena (si, sya1ed, sya2ed, pts-vp-pli1)

Anubyañjanasampanno, bāttiṁsavaralakkhaṇo; Byāmappabhāparivuto, raṁsijālasamotthaṭo.
raṁsijālasamotthaṭo → raṁsijālasamosaṭo (bj, pts-vp-pli1); raṁsijālasamutthato (sya1ed, sya2ed)

Assāsetā yathā cando, sūriyova pabhaṅkaro; Nibbāpetā yathā megho, sāgarova guṇākaro.

Dharaṇīriva sīlena, himavāva samādhinā; Ākāso viya paññāya, asaṅgo anilo yathā.

Sa kadāci mahāvīro, parisāsu visārado; Saccāni sampakāseti, uddharanto mahājanaṁ.

Tadā hi bārāṇasiyaṁ, seṭṭhiputto mahāyaso; Āsahaṁ dhanadhaññassa, pahūtassa bahū tadā.
Āsahaṁ dhanadhaññassa → āsabhaṁ dhanadhaññassa (sya1ed, sya2ed); anantadhanadhaññassa (mr)

Jaṅghāvihāraṁ vicaraṁ, migadāyamupeccahaṁ;
migadāyamupeccahaṁ → mupesahaṁ (mr) Addasaṁ virajaṁ buddhaṁ, desentaṁ amataṁ padaṁ.

Visaṭṭhakantavacanaṁ, karavīkasamassaraṁ; Haṁsarutehi nigghosaṁ, viññāpentaṁ mahājanaṁ.
Haṁsarutehi nigghosaṁ → haṁsarudābhinigghosaṁ (bj); haṁsadundubhinigghosaṁ (sya1ed, sya2ed, pts-vp-pli1)

Disvā devātidevaṁ taṁ, sutvāva madhuraṁ giraṁ; Pahāyanappake bhoge, pabbajiṁ anagāriyaṁ.

Evaṁ pabbajito cāhaṁ, na cirena bahussuto; Ahosiṁ dhammakathiko, vicittapaṭibhānavā.

Mahāparisamajjhehaṁ, haṭṭhacitto punappunaṁ; Vaṇṇayiṁ hemavaṇṇassa, vaṇṇaṁ vaṇṇavisārado.

‘Esa khīṇāsavo buddho, anīgho chinnasaṁsayo; Sabbakammakkhayaṁ patto, vimuttopadhisaṅkhaye.

Esa so bhagavā buddho, esa sīho anuttaro; Sadevakassa lokassa, brahmacakkappavattako.

Danto dametā santo ca, sametā nibbuto isi; Nibbāpetā ca assattho, assāsetā mahājanaṁ.

Vīro sūro ca vikkanto, pañño kāruṇiko vasī;
vikkanto → dhiro ca (bj); dhīro ca (pts-vp-pli1) Vijitāvī ca sa jino, appagabbo anālayo.

Aneñjo acalo dhīmā, amoho asamo muni; Dhorayho usabho nāgo, sīho sakko garūsupi.

Virāgo vimalo brahmā, vādī sūro raṇañjaho; Akhilo ca visallo ca, asamo saṁyato suci.
saṁyato → vusabho (sya1ed, sya2ed); payato (pts-vp-pli1)

Brāhmaṇo samaṇo nātho, bhisakko sallakattako; Yodho buddho sutāsuto, acalo mudito sito.
sutāsuto → suto suto (bj, pts-vp-pli1) sito → dito (bj)

Dhātā dhatā ca santi ca, kattā netā pakāsitā; Sampahaṁsitā bhettā ca, chettā sotā pasaṁsitā.

Akhilo ca visallo ca, anīgho akathaṅkathī; Anejo virajo kattā, gandhā vattā pasaṁsitā.

Tāretā atthakāretā, kāretā sampadāritā; Pāpetā sahitā kantā, hantā ātāpī tāpaso.
hantā ātāpī tāpaso → tāpitā ca visositā (sya1ed, sya2ed); hantā tātāpi tāpaso (pts-vp-pli1)

Samacitto samasamo, asahāyo dayālayo;
Samacitto samasamo → saccaṭṭhitosamasamo (sya1ed, sya2ed) dayālayo → dayāsayo (bj); dayāyaso (pts-vp-pli1) Accherasatto akuho, katāvī isisattamo.
Accherasatto → accheramanto (sya1ed, sya2ed); accherasanto (pts-vp-pli1)

Nittiṇṇakaṅkho nimmāno, appameyyo anūpamo; Sabbavākyapathātīto, saccaneyyantagū jino.
saccaneyyantagū → saccañeyyantagū (bj); sabbaneyyantito (sya1ed, sya2ed); saccaneyyantago (pts-vp-pli1)

Sattasāravare tasmiṁ, pasādo amatāvaho;
Sattasāravare → sataraṁsīvare (sya1ed, sya2ed) Tasmā buddhe ca dhamme ca, saṅghe saddhā mahatthikā’.
mahatthikā → mahiddhikā (bj, pts-vp-pli1, mr)

Guṇehi evamādīhi, tilokasaraṇuttamaṁ; Vaṇṇento parisāmajjhe, akaṁ dhammakathaṁ ahaṁ.
akaṁ → kathiṁ (sya1ed, sya2ed)

Tato cutāhaṁ tusite, anubhotvā mahāsukhaṁ; Tato cuto manussesu, jāto homi sugandhiko.

Nissāso mukhagandho ca, dehagandho tatheva me; Sedagandho ca satataṁ, sabbagandhova hoti me.
sabbagandhova hoti me → sabbagandhotiseti me (bj, pts-vp-pli1)

Mukhagandho sadā mayhaṁ, padumuppalacampako; Parisanto sadā vāti, sarīro ca tatheva me.
Parisanto → ādisanto (bj); atikanto (sya1ed, sya2ed); atisanto (pts-vp-pli1)

Guṇatthavassa sabbantaṁ, phalaṁ tu paramabbhutaṁ;
phalaṁ tu → phalantaṁ (sya1ed, sya2ed); phalan tu (pts-vp-pli1) Ekaggamanasā sabbe, vaṇṇayissaṁ suṇātha me.
vaṇṇayissaṁ → bhāsitassa (sya1ed, sya2ed)

Guṇaṁ buddhassa vatvāna, hitāya ca na sadisaṁ;
hitāya ca na sadisaṁ → hitāya janasandhisu (bj, pts-vp-pli1); hitāyanaṁ sukhāvahaṁ (sya1ed, sya2ed) Sukhito homi sabbattha, saṅgho vīrasamāyuto.
Sukhito → sucitto (sya1ed, sya2ed) saṅgho vīrasamāyuto → saraddhanisamāyuto (bj); saṅgho vīrasamāsuto (sya1ed, sya2ed); rasaddhovisamāyuto (pts-vp-pli1)

Yasassī sukhito kanto, jutimā piyadassano; Vattā aparibhūto ca, niddoso paññavā tathā.

Khīṇe āyusi nibbānaṁ, sulabhaṁ buddhabhattino;
Khīṇe āyusi → khīṇe pāsusi (sya1ed, sya2ed); khīṇevāyupi (pts-vp-pli1) Tesaṁ hetuṁ pavakkhāmi, taṁ suṇātha yathātathaṁ.

Santaṁ yasaṁ bhagavato, vidhinā abhivādayaṁ; Tattha tatthūpapannopi, yasassī tena homahaṁ.
Tattha tatthūpapannopi → yattha tatthupapannopi (bj, pts-vp-pli1)

Dukkhassantakaraṁ buddhaṁ, dhammaṁ santamasaṅkhataṁ; Vaṇṇayaṁ sukhado āsiṁ, sattānaṁ sukhito tato.

Guṇaṁ vadanto buddhassa, buddhapītisamāyuto; Sakantiṁ parakantiñca, janayiṁ tena kantimā.

Jino te titthikākiṇṇe, abhibhuyya kutitthiye;
titthikākiṇṇe → janoghe titthakākiṇṇe (bj); jino yo titthikātiṇṇo (sya1ed, sya2ed); janoghe titthikākiṇṇo (pts-vp-pli1) Guṇaṁ vadanto jotesiṁ, nāyakaṁ jutimā tato.
jotesiṁ → thomesiṁ (sya1ed, sya2ed)

Piyakārī janassāpi, sambuddhassa guṇaṁ vadaṁ; Saradova sasaṅkohaṁ, tenāsiṁ piyadassano.

Yathāsattivasenāhaṁ, sabbavācāhi santhaviṁ; Sugataṁ tena vāgiso, vicittapaṭibhānavā.

Ye bālā vimatiṁ pattā, paribhonti mahāmuniṁ; Niggahiṁ te saddhammena, paribhūto na tenahaṁ.
paribhūto na tenahaṁ → paribhūtena tenahaṁ (sya1ed, sya2ed)

Buddhavaṇṇena sattānaṁ, kilese apanesahaṁ; Nikkilesamano homi, tassa kammassa vāhasā.

Sotūnaṁ vuddhimajaniṁ, buddhānussatidesako;
vuddhimajaniṁ → buddhimajaniṁ (bj, sya1ed, sya2ed, pts-vp-pli1) Tenāhamāsiṁ sappañño, nipuṇatthavipassako.
Tenāhamāsiṁ → tenāpicāsiṁ (sya1ed, sya2ed)

Sabbāsavaparikkhīṇo, tiṇṇasaṁsārasāgaro; Sikhīva anupādāno, pāpuṇissāmi nibbutiṁ.

Imasmiṁyeva kappasmiṁ, yamahaṁ santhaviṁ jinaṁ; Duggatiṁ nābhijānāmi, buddhavaṇṇassidaṁ phalaṁ.

Kilesā jhāpitā mayhaṁ, …pe… viharāmi anāsavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sugandho thero imā gāthāyo abhāsitthāti.

Sugandhattherassāpadānaṁ dasamaṁ.

Tiṇadāyakavaggo tepaññāsamo.

Tassuddānaṁ

Tiṇado mañcado ceva, saraṇabbhañjanappado; Supaṭo daṇḍadāyī ca, nelapūjī tatheva ca.

Bodhisammajjako maṇḍo, sugandho dasamoti ca; Gāthāsataṁ satevīsaṁ, gaṇitañcettha sabbaso.