Vakkalittheraapadāna
“Ito satasahassamhi, kappe uppajji nāyako; Anomanāmo amito, nāmena padumuttaro.
Padumākāravadano, padumāmalasucchavī; Lokenānupalittova, toyena padumaṁ yathā.
Vīro padumapattakkho, kanto ca padumaṁ yathā; Padumuttaragandhova, tasmā so padumuttaro.
Lokajeṭṭho ca nimmāno, andhānaṁ nayanūpamo; Santaveso guṇanidhi, karuṇāmatisāgaro.
Sa kadāci mahāvīro, brahmāsurasuraccito; Sadevamanujākiṇṇe, janamajjhe jinuttamo.
jinuttamo → anuttamo (bj, mr); januttamo (sya1ed, sya2ed, pts-vp-pli1)Vadanena sugandhena, madhurena rutena ca; Rañjayaṁ parisaṁ sabbaṁ, santhavī sāvakaṁ sakaṁ.
Saddhādhimutto sumati, mama dassanalālaso;
dassanalālaso → dassanasālayo (sya1ed, sya2ed) Natthi etādiso añño, yathāyaṁ bhikkhu vakkali.Tadāhaṁ haṁsavatiyaṁ, nagare brāhmaṇatrajo; Hutvā sutvā ca taṁ vākyaṁ, taṁ ṭhānamabhirocayiṁ.
Sasāvakaṁ taṁ vimalaṁ, nimantetvā tathāgataṁ; Sattāhaṁ bhojayitvāna, dussehacchādayiṁ tadā.
Nipacca sirasā tassa, anantaguṇasāgare; Nimuggo pītisampuṇṇo, idaṁ vacanamabraviṁ.
‘Yo so tayā santhavito, ito sattamake muni;
sattamake muni → ito sattamakehani (bj, pts-vp-pli1); idha saddhādhimutto isi (sya1ed, sya2ed) Bhikkhu saddhāvataṁ aggo, tādiso homahaṁ mune’.Evaṁ vutte, mahāvīro, anāvaraṇadassano; Imaṁ vākyaṁ udīresi, parisāya mahāmuni.
‘Passathetaṁ māṇavakaṁ, pītamaṭṭhanivāsanaṁ; Hemayaññopacitaṅgaṁ, jananettamanoharaṁ.
Hemayaññopacitaṅgaṁ → hemayaññopavītaṅgaṁ (bj)Eso anāgataddhāne, gotamassa mahesino; Aggo saddhādhimuttānaṁ, sāvakoyaṁ bhavissati.
Devabhūto manusso vā, sabbasantāpavajjito; Sabbabhogaparibyūḷho, sukhito saṁsarissati.
Satasahassito kappe, okkākakulasambhavo; Gotamo nāma gottena, satthā loke bhavissati.
Tassa dhammesu dāyādo, oraso dhammanimmito; Vakkali nāma nāmena, hessati satthu sāvako’.
Tena kammavisesena, cetanāpaṇidhīhi ca; Jahitvā mānusaṁ dehaṁ, tāvatiṁsamagacchahaṁ.
Sabbattha sukhito hutvā, saṁsaranto bhavābhave; Sāvatthiyaṁ pure jāto, kule aññatare ahaṁ.
Nonītasukhumālaṁ maṁ, jātapallavakomalaṁ; Mandaṁ uttānasayanaṁ, pisācībhayatajjitā.
pisācībhayatajjitā → pisācabhayatajjitā (csp1ed)Pādamūle mahesissa, sāyesuṁ dīnamānasā; ‘Imaṁ dadāma te nātha, saraṇaṁ hohi nāyaka’.
Tadā paṭiggahi so maṁ, bhītānaṁ saraṇo muni; Jālinā cakkaṅkitena, mudukomalapāṇinā.
cakkaṅkitena → saṅkhalaṅkena (bj, pts-vp-pli1)Tadā pabhuti tenāhaṁ, arakkheyyena rakkhito; Sabbaveravinimutto, sukhena parivuddhito.
Sabbaveravinimutto → sabbabyādhivinimutto (sya1ed, sya2ed); sabbūpadhivinimmutto (pts-vp-pli1)Sugatena vinā bhūto, ukkaṇṭhāmi muhuttakaṁ; Jātiyā sattavassohaṁ, pabbajiṁ anagāriyaṁ.
Sabbapāramisambhūtaṁ, nīlakkhinayanaṁ varaṁ;
nīlakkhinayanaṁ → lakkhinilayanaṁ (bj) Rūpaṁ sabbasubhākiṇṇaṁ, atitto viharāmahaṁ.
viharāmahaṁ → pihayāmahaṁ (bj, pts-vp-pli1)Buddharūparatiṁ ñatvā, tadā ovadi maṁ jino;
Buddharūparatiṁ → buddharūparataṁ (bj, pts-vp-pli1); buddho rūparataṁ (si) ‘Alaṁ vakkali kiṁ rūpe, ramase bālanandite.Yo hi passati saddhammaṁ, so maṁ passati paṇḍito; Apassamāno saddhammaṁ, maṁ passampi na passati.
Anantādīnavo kāyo, visarukkhasamūpamo; Āvāso sabbarogānaṁ, puñjo dukkhassa kevalo.
Nibbindiya tato rūpe, khandhānaṁ udayabbayaṁ; Passa upakkilesānaṁ, sukhenantaṁ gamissasi’.
Evaṁ tenānusiṭṭhohaṁ, nāyakena hitesinā; Gijjhakūṭaṁ samāruyha, jhāyāmi girikandare.
Ṭhito pabbatapādamhi, assāsayi mahāmuni;
assāsayi → mamāha so (bj); assāsayaṁ (sya1ed, sya2ed); mamāhasa (pts-vp-pli1) Vakkalīti jino vācaṁ, taṁ sutvā mudito ahaṁ.Pakkhandiṁ selapabbhāre, anekasataporise; Tadā buddhānubhāvena, sukheneva mahiṁ gato.
Punopi dhammaṁ deseti, khandhānaṁ udayabbayaṁ;
Punopi → punāpi (si, sya1ed, sya2ed); muni maṁ (mr) Tamahaṁ dhammamaññāya, arahattamapāpuṇiṁ.Sumahāparisamajjhe, tadā maṁ caraṇantago; Aggaṁ saddhādhimuttānaṁ, paññapesi mahāmati.
Satasahassito kappe, yaṁ kammamakariṁ tadā; Duggatiṁ nābhijānāmi, buddhapūjāyidaṁ phalaṁ.
Kilesā jhāpitā mayhaṁ, …pe… viharāmi anāsavo.
