“Pavanaṁ kānanaṁ disvā, appasaddamanāvilaṁ; Isīnaṁ anuciṇṇaṁva, āhutīnaṁ paṭiggahaṁ.

Thūpaṁ katvāna pulinaṁ, nānāpupphaṁ samokiriṁ;
pulinaṁ → veḷunā (si, pts-vp-pli1); veḷinaṁ (sya1ed, sya2ed) Sammukhā viya sambuddhaṁ, nimmitaṁ abhivandahaṁ.

Sattaratanasampanno, rājā raṭṭhamhi issaro; Sakakammābhiraddhohaṁ, pupphapūjāyidaṁ phalaṁ.
pupphapūjāyidaṁ → thūpapūjāyidaṁ (bj, pts-vp-pli1)

Ekanavutito kappe, yaṁ pupphamabhiropayiṁ; Duggatiṁ nābhijānāmi, pupphapūjāyidaṁ phalaṁ.
pupphapūjāyidaṁ → thūpapūjāyidaṁ (bj, pts-vp-pli1)

Asītikappenantayaso, cakkavattī ahosahaṁ; Sattaratanasampanno, catudīpamhi issaro.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā sakacintaniyo thero imā gāthāyo abhāsitthāti.
sakacintaniyo → sakacittaniyo (si, sya1ed, sya2ed)

Sakacintaniyattherassāpadānaṁ paṭhamaṁ.