“Giriduggacaro āsiṁ, abhijātova kesarī; Migasaṅghaṁ vadhitvāna, jīvāmi pabbatantare.

Atthadassī tu bhagavā, sabbaññū vadataṁ varo; Mamuddharitukāmo so, āgacchi pabbatuttamaṁ.

Pasadañca migaṁ hantvā, bhakkhituṁ samupāgamiṁ; Bhagavā tamhi samaye, bhikkhamāno upāgami.
bhikkhamāno → bhikkhayāno (si, pts-vp-pli1); bhikkhācāro (sya1ed, sya2ed)

Varamaṁsāni paggayha, adāsiṁ tassa satthuno; Anumodi mahāvīro, nibbāpento mamaṁ tadā.

Tena cittappasādena, giriduggaṁ pavisiṁ ahaṁ; Pītiṁ uppādayitvāna, tattha kālaṅkato ahaṁ.

Etena maṁsadānena, cittassa paṇidhīhi ca; Pannarase kappasate, devaloke ramiṁ ahaṁ.

Avasesesu kappesu, kusalaṁ cintitaṁ mayā;
cintitaṁ → nicitaṁ (bj); kāritaṁ (si, pts-vp-pli1); karitaṁ (sya1ed, sya2ed) Teneva maṁsadānena, buddhānussaraṇena ca.

Aṭṭhattiṁsamhi kappamhi, aṭṭha dīghāyunāmakā; Saṭṭhimhito kappasate, duve varuṇanāmakā.
varuṇanāmakā → saraṇanāmakā (sya1ed, sya2ed)

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sucintito thero imā gāthāyo abhāsitthāti.

Sucintitattherassāpadānaṁ chaṭṭhaṁ.