“Ajjhāyako mantadharo, tiṇṇaṁ vedāna pāragū; Purakkhatomhi sissehi, upagacchiṁ naruttamaṁ.

Padumuttaro lokavidū, āhutīnaṁ paṭiggaho; Mama kammaṁ pakittesi, saṅkhittena mahāmuni.

Tāhaṁ dhammaṁ suṇitvāna, abhivādetvāna satthuno; Añjaliṁ paggahetvāna, pakkamiṁ dakkhiṇāmukho.
pakkamiṁ → pakkāmiṁ (bj, sya1ed, sya2ed, pts-vp-pli1)

Saṅkhittena suṇitvāna, vitthārena abhāsayiṁ;
abhāsayiṁ → adesayiṁ (bj, sya1ed, sya2ed, pts-vp-pli1) Sabbe sissā attamanā, sutvāna mama bhāsato; Sakaṁ diṭṭhiṁ vinodetvā, buddhe cittaṁ pasādayuṁ.

Saṅkhittenapi desemi, vitthārena tathevahaṁ;
vitthārena tathevahaṁ → desesiṁ vitthārenapi bhāsayiṁ (mr) Abhidhammanayaññūhaṁ, kathāvatthuvisuddhiyā; Sabbesaṁ viññāpetvāna, viharāmi anāsavo.

Ito pañcasate kappe, caturo suppakāsakā; Sattaratanasampannā, catudīpamhi issarā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā puṇṇo mantāṇiputto thero imā gāthāyo abhāsitthāti.

Puṇṇamantāṇiputtattherassāpadānaṁ pañcamaṁ.