“Candabhāgānadītīre, anusotaṁ vajāmahaṁ;
ahaṁ → tadā (sya1ed, sya2ed) Nisinnaṁ samaṇaṁ disvā, vippasannamanāvilaṁ.

Tattha cittaṁ pasādetvā, evaṁ cintesahaṁ tadā;
pasādetvā → pasādesiṁ (sya1ed, sya2ed) Tārayissati tiṇṇoyaṁ, dantoyaṁ damayissati.

Assāsissati assattho, santo ca samayissati; Mocayissati mutto ca, nibbāpessati nibbuto.

Evāhaṁ cintayitvāna, siddhatthassa mahesino; Gahetvā timirapupphaṁ, matthake okiriṁ ahaṁ.

Añjaliṁ paggahetvāna, katvā ca naṁ padakkhiṇaṁ; Vanditvā satthuno pāde, pakkāmiṁ aparaṁ disaṁ.

Aciraṁ gatamattaṁ maṁ, migarājā viheṭhayi; Papātamanugacchanto, tattheva papatiṁ ahaṁ.

Catunnavutito kappe, yaṁ pupphamabhiropayiṁ; Duggatiṁ nābhijānāmi, pupphapūjāyidaṁ phalaṁ.
pupphapūjāyidaṁ → buddhapūjāyidaṁ (bj, sya1ed, sya2ed); buddhapujāyidaṁ (pts-vp-pli1)

Chappaññāsamhi kappamhi, sattevāsuṁ mahāyasā;
mahāyasā → mahārahā (sya1ed, sya2ed, mr) Sattaratanasampannā, cakkavattī mahabbalā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā timirapupphiyo thero imā gāthāyo abhāsitthāti.

Timirapupphiyattherassāpadānaṁ paṭhamaṁ.