“Vipine kānane disvā, appasadde nirākule;
Vipine → vivane (sya1ed, sya2ed, pts-vp-pli1) Siddhatthaṁ isinaṁ seṭṭhaṁ, āhutīnaṁ paṭiggahaṁ.

Nibbutattaṁ mahānāgaṁ, nisabhājāniyaṁ yathā;
Nibbutattaṁ → nibbutitaṁ (sya1ed, sya2ed); nibbutaggaṁ (mr) Osadhiṁva virocantaṁ, devasaṅghanamassitaṁ.

Vitti mamāhu tāvade, ñāṇaṁ uppajji tāvade;
mamāhu tāvade → vitti me pahutā āsi (bj); vitti me pāhunā tāva (si, sya1ed, sya2ed); vitti me bahukā tāva (pts-vp-pli1) Vuṭṭhitassa samādhimhā, madhuṁ datvāna satthuno.

Vanditvā satthuno pāde, pakkāmiṁ pācināmukho; Catuttiṁsamhi kappamhi, rājā āsiṁ sudassano.

Madhu bhisehi savati, bhojanamhi ca tāvade; Madhuvassaṁ pavassittha, pubbakammassidaṁ phalaṁ.

Catunnavutito kappe, yaṁ madhuṁ adadiṁ tadā; Duggatiṁ nābhijānāmi, madhudānassidaṁ phalaṁ.

Catuttiṁse ito kappe, cattāro te sudassanā; Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā madhupiṇḍiko thero imā gāthāyo abhāsitthāti.

Madhupiṇḍikattherassāpadānaṁ sattamaṁ.