“Nagare bandhumatiyā, kumbhadāsī ahosahaṁ; Mama bhāgaṁ gahetvāna, gacchaṁ udakahārikā.
udakahārikā → udakahārikaṁ (si); udakahārike (sya1ed, sya2ed); udakabhārikā (pts-vp-pli1)

Panthamhi samaṇaṁ disvā, santacittaṁ samāhitaṁ; Pasannacittā sumanā, modake tīṇidāsahaṁ.

Tena kammena sukatena, cetanāpaṇidhīhi ca; Ekanavutikappāni, vinipātaṁ nagacchahaṁ.
Ekanavutikappāni → ekūnatiṁsa kappāni (sya1ed, sya2ed)

Sampatti taṁ karitvāna, sabbaṁ anubhaviṁ ahaṁ;
Sampatti taṁ → sampattiṁ taṁ (bj, pts-vp-pli1); sampattiñca (sya1ed, sya2ed); sampattikaṁ (mr) Modake tīṇi datvāna, pattāhaṁ acalaṁ padaṁ.

Kilesā jhāpitā mayhaṁ, …pe… viharāmi anāsavā.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ modakadāyikā bhikkhunī imā gāthāyo abhāsitthāti.

Modakadāyikātheriyāpadānaṁ tatiyaṁ.