“Vipassino bhagavato, sikhino vessabhussa ca; Kakusandhassa munino, koṇāgamanatādino.

Kassapassa ca buddhassa, pabbajitvāna sāsane; Bhikkhunī sīlasampannā, nipakā saṁvutindriyā.

Bahussutā dhammadharā, dhammatthapaṭipucchikā; Uggahetā ca dhammānaṁ, sotā payirupāsitā.

Desentī janamajjhehaṁ, ahosiṁ jinasāsane; Bāhusaccena tenāhaṁ, pesalā atimaññisaṁ.

Pacchime ca bhave dāni, sāvatthiyaṁ puruttame; Anāthapiṇḍino gehe, jātāhaṁ kumbhadāsiyā.

Gatā udakahāriyaṁ, sotthiyaṁ dijamaddasaṁ; Sītaṭṭaṁ toyamajjhamhi, taṁ disvā idamabraviṁ.

‘Udahārī ahaṁ sīte, sadā udakamotariṁ; Ayyānaṁ daṇḍabhayabhītā, vācādosabhayaṭṭitā.
vācādosabhayaṭṭitā → vācārosabhayaṭṭitā (sya1ed, sya2ed)

Kassa brāhmaṇa tvaṁ bhīto, sadā udakamotari; Vedhamānehi gattehi, sītaṁ vedayase bhusaṁ’.

‘Jānantī vata maṁ bhoti, puṇṇike paripucchasi; Karontaṁ kusalaṁ kammaṁ, rundhantaṁ katapāpakaṁ.
rundhantaṁ → nudantaṁ (sya1ed, sya2ed); niddhantaṁ (pts-vp-pli1) | katapāpakaṁ → kammapāpakaṁ (sya1ed, sya2ed)

Yo ce vuḍḍho daharo vā, pāpakammaṁ pakubbati;
vuḍḍho daharo vā → yo vuḍḍho daharo vāpi (bj); yo vuḍḍho daharo cāpi (sya1ed, sya2ed); yo ca vuddho daharo vā (pts-vp-pli1) Dakābhisiñcanā sopi, pāpakammā pamuccati’.
Dakābhisiñcanā → dakābhisocanā (…) | sopi → bhoti (bj, mr)

Uttarantassa akkhāsiṁ, dhammatthasaṁhitaṁ padaṁ; Tañca sutvā sa saṁviggo, pabbajitvārahā ahu.
sutvā → ñatvā (bj) | sa saṁviggo → susaṁviggo (sya1ed, sya2ed); sasaṁviggo (pts-vp-pli1)

Pūrentī ūnakasataṁ, jātā dāsikule yato; Tato puṇṇāti nāmaṁ me, bhujissaṁ maṁ akaṁsu te.

Seṭṭhiṁ tatonujānetvā, pabbajiṁ anagāriyaṁ;
tatonujānetvā → tato anumodetvā (bj); tatonumodetvā (sya1ed, sya2ed); tato 'numānetvā (pts-vp-pli1) Na cireneva kālena, arahattamapāpuṇiṁ.

Iddhīsu ca vasī homi, dibbāya sotadhātuyā; Cetopariyañāṇassa, vasī homi mahāmune.

Pubbenivāsaṁ jānāmi, dibbacakkhu visodhitaṁ; Sabbāsavā parikkhīṇā, natthi dāni punabbhavo.

Atthadhammaniruttīsu, paṭibhāne tatheva ca; Ñāṇaṁ me vimalaṁ suddhaṁ, buddhaseṭṭhassa vāhasā.

Bhāvanāya mahāpaññā, suteneva sutāvinī; Mānena nīcakulajā, na hi kammaṁ vinassati.
vinassati → panassati (sya1ed, sya2ed, pts-vp-pli1)

Kilesā jhāpitā mayhaṁ, …pe… viharāmi anāsavā.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ puṇṇikā bhikkhunī imā gāthāyo abhāsitthāti.
puṇṇikā → puṇṇā (bj)

Puṇṇikātheriyāpadānaṁ aṭṭhamaṁ.