“Yuttā ca te paramaalaṅkatā hayā, adhomukhā aghasigamā balī javā; Abhinimmitā pañcarathāsatā ca te, anventi taṁ sārathicoditā hayā.

Sā tiṭṭhasi rathavare alaṅkatā, obhāsayaṁ jalamiva joti pāvako; Pucchāmi taṁ varatanu anomadassane, kasmā nu kāyā anadhivaraṁ upāgami”.
varatanu → varacāru (katthaci)

“Kāmaggapattānaṁ yamāhunuttaraṁ, nimmāya nimmāya ramanti devatā;
yamāhunuttaraṁ → … anuttarā (sya1ed, sya2ed, pts-vp-pli1); … anuttaraṁ (pts-vp-pli2); … nuttarā (mr) Tasmā kāyā accharā kāmavaṇṇinī, idhāgatā anadhivaraṁ namassituṁ”.

“Kiṁ tvaṁ pure sucaritamācarīdha, kenacchasi tvaṁ amitayasā sukhedhitā;
sucaritamācarīdha → sucarita mācarī idha (sya1ed, sya2ed, pts-vp-pli1) Iddhī ca te anadhivarā vihaṅgamā, vaṇṇo ca te dasa disā virocati.

Devehi tvaṁ parivutā sakkatā casi, kuto cutā sugatigatāsi devate; Kassa vā tvaṁ vacanakarānusāsaniṁ, ācikkha me tvaṁ yadi buddhasāvikā”ti.

“Nagantare nagaravare sumāpite, paricārikā rājavarassa sirimato; Nacce gīte paramasusikkhitā ahuṁ, sirimāti maṁ rājagahe avediṁsu.
avediṁsu → avedisuṁ (bj)

Buddho ca me isinisabho vināyako, adesayī samudayadukkhaniccataṁ; Asaṅkhataṁ dukkhanirodhasassataṁ, maggañcimaṁ akuṭilamañjasaṁ sivaṁ.

Sutvānahaṁ amatapadaṁ asaṅkhataṁ, tathāgatassanadhivarassa sāsanaṁ; Sīlesvahaṁ paramasusaṁvutā ahuṁ, dhamme ṭhitā naravarabuddhadesite.
naravarabuddhadesite → … bhāsite (bj)

Ñatvānahaṁ virajapadaṁ asaṅkhataṁ, tathāgatenanadhivarena desitaṁ; Tatthevahaṁ samathasamādhimāphusiṁ, sāyeva me paramaniyāmatā ahu.

Laddhānahaṁ amatavaraṁ visesanaṁ, ekaṁsikā abhisamaye visesiya; Asaṁsayā bahujanapūjitā ahaṁ, khiḍḍāratiṁ paccanubhomanappakaṁ.
khiḍḍāratiṁ → khiḍḍaṁ ratiṁ (sya1ed, sya2ed, pts-vp-pli1)

Evaṁ ahaṁ amatadasamhi devatā, tathāgatassanadhivarassa sāvikā;
amatadasamhi → amatarasamhi (sya1ed, sya2ed, mr) Dhammaddasā paṭhamaphale patiṭṭhitā, sotāpannā na ca pana matthi duggati.

Sā vandituṁ anadhivaraṁ upāgamiṁ, pāsādike kusalarate ca bhikkhavo; Namassituṁ samaṇasamāgamaṁ sivaṁ, sagāravā sirimato dhammarājino.

Disvā muniṁ muditamanamhi pīṇitā, tathāgataṁ naravaradammasārathiṁ; Taṇhacchidaṁ kusalarataṁ vināyakaṁ, vandāmahaṁ paramahitānukampakan”ti.

Sirimāvimānaṁ soḷasamaṁ.