“Pīṭhaṁ te sovaṇṇamayaṁ uḷāraṁ, manojavaṁ gacchati yenakāmaṁ; Alaṅkate malyadhare suvatthe, obhāsasi vijjurivabbhakūṭaṁ.
malyadhare → mālyadhare (bj, sya-all) | malyadhare → T mālya-; (S) malla- (pts note)

Kena tetādiso vaṇṇo, kena te idha mijjhati; Uppajjanti ca te bhogā, ye keci manaso piyā.

Pucchāmi taṁ devi mahānubhāve, manussabhūtā kimakāsi puññaṁ; Kenāsi evaṁ jalitānubhāvā, vaṇṇo ca te sabbadisā pabhāsatī”ti.

Sā devatā attamanā, moggallānena pucchitā; Pañhaṁ puṭṭhā viyākāsi, yassa kammassidaṁ phalaṁ.

“Appassa kammassa phalaṁ mamedaṁ, yenamhi evaṁ jalitānubhāvā;
mamedaṁ → mametaṁ (mr) | mamedaṁ → mametaṁ (bj: katthaci) | mamedaṁ → mametaṁ (cck: ka.) | mamedaṁ → (K) mam'; etaṁ (pts note) yenamhi → tenamhi (mr) | yenamhi → tenamhi (bj: katthaci) | yenamhi → tenamhi (cck: ka.) | amhi → (K) ten'; amhi (pts note) Ahaṁ manussesu manussabhūtā, purimāya jātiyā manussaloke.

Addasaṁ virajaṁ bhikkhuṁ, vippasannamanāvilaṁ; Tassa adāsahaṁ pīṭhaṁ, pasannā sehi pāṇibhi.
adāsahaṁ → adāsihaṁ (sya-all) | ahaṁ → T adāsi 'haṁ (pts note) pāṇibhi → pāṇihi (bj, pts) | sehi pāṇibhi → sakehi pāṇihi (sya-all) | pāṇihi → R,T sakehi pāṇihi; B,N sehi pāṇibhi (pts note)

Tena metādiso vaṇṇo, tena me idha mijjhati; Uppajjanti ca me bhogā, ye keci manaso piyā.

Akkhāmi te bhikkhu mahānubhāva, manussabhūtā yamakāsi puññaṁ; Tenamhi evaṁ jalitānubhāvā, vaṇṇo ca me sabbadisā pabhāsatī”ti.
sabbadisā → sabbādisā (bj)

Tatiyapīṭhavimānaṁ tatiyaṁ.
tatiyaṁ → (bj, pts) | Tatiyapīṭhavimānaṁ → B,N add tatiyaṁ; R,T Pīṭhavimānaṁ tatiyaṁ (pts note)