“Pīṭhaṁ te veḷuriyamayaṁ uḷāraṁ, manojavaṁ gacchati yenakāmaṁ; Alaṅkate malyadhare suvatthe, obhāsasi vijjurivabbhakūṭaṁ.
malyadhare → mālyadhare (bj, sya-all) | malyadhare → T mālya-; (S) malla- (pts note)

Kena tetādiso vaṇṇo, kena te idha mijjhati; Uppajjanti ca te bhogā, ye keci manaso piyā.

Pucchāmi taṁ devi mahānubhāve, manussabhūtā kimakāsi puññaṁ; Kenāsi evaṁ jalitānubhāvā, vaṇṇo ca te sabbadisā pabhāsatī”ti.

Sā devatā attamanā, moggallānena pucchitā; Pañhaṁ puṭṭhā viyākāsi, yassa kammassidaṁ phalaṁ.

“Appassa kammassa phalaṁ mamedaṁ, yenamhi evaṁ jalitānubhāvā; Ahaṁ manussesu manussabhūtā, purimāya jātiyā manussaloke.
ahaṁ → ayaṁ (bj)

Addasaṁ virajaṁ bhikkhuṁ, vippasannamanāvilaṁ; Tassa adāsahaṁ pīṭhaṁ, pasannā sehi pāṇibhi.
adāsahaṁ → adāsihaṁ (sya-all) | ahaṁ → T adāsi 'haṁ (pts note) pāṇibhi → pāṇihi (bj, pts) | sehi pāṇibhi → sakehi pāṇihi (sya-all) | pāṇihi → R,T sakehi pāṇihi; B,N sehi pāṇibhi (pts note)

Tena metādiso vaṇṇo, tena me idha mijjhati; Uppajjanti ca me bhogā, ye keci manaso piyā.

Akkhāmi te bhikkhu mahānubhāva, manussabhūtā yamakāsi puññaṁ;
te → taṁ (sya-all) | te → R,T taṁ (pts note) yamakāsi puññaṁ → yamahaṁ akāsiṁ (sya-all) | yamahaṁ → yamakāsi puññaṁ (sya-all note) | puññaṁ → R,T yam ahaṁ akāsiṁ (pts note) Tenamhi evaṁ jalitānubhāvā, vaṇṇo ca me sabbadisā pabhāsatī”ti.

Catutthapīṭhavimānaṁ catutthaṁ.
catutthaṁ → (bj, pts) | Catutthapīṭhavimānaṁ → B,N add catutthaṁ; R,T Pīṭhavimānaṁ catutthaṁ (pts note)