“Phalikarajatahemajālachannaṁ, vividhacitratalamaddasaṁ surammaṁ; Byamhaṁ sunimmitaṁ toraṇūpapannaṁ, rucakupakiṇṇamidaṁ subhaṁ vimānaṁ.

Bhāti ca dasa disā nabheva suriyo, sarade tamonudo sahassaraṁsī; Tathā tapati midaṁ tava vimānaṁ, jalamiva dhūmasikho nise nabhagge.

Musatīva nayanaṁ sateratāva, ākāse ṭhapitamidaṁ manuññaṁ;
sateratāva → sateritāva (sya1ed, sya2ed, mr) Vīṇāmurajasammatāḷaghuṭṭhaṁ, iddhaṁ indapuraṁ yathā tavedaṁ.

Padumakumuduppalakuvalayaṁ, yodhika bandhukanojakā ca santi;
yodhika bandhukanojakā → yothikā bhaṇḍikā nojakā (sya1ed); yothikābhaṇḍikānojakā (sya2ed) Sālakusumitapupphitā asokā, vividhadumaggasugandhasevitamidaṁ.

Saḷalalabujabhujaka saṁyuttā, kusakasuphullitalatāvalambinīhi;
Saḷalalabujabhujaka → … sujaka (si, sya1ed, sya2ed) | saṁyuttā → saññatā (bj) Maṇijālasadisā yasassinī, rammā pokkharaṇī upaṭṭhitā te.

Udakaruhā ca yetthi pupphajātā, thalajā ye ca santi rukkhajātā; Mānusakāmānussakā ca dibbā, sabbe tuyhaṁ nivesanamhi jātā.

Kissa saṁyamadamassayaṁ vipāko, kenāsi kammaphalenidhūpapannā; Yathā ca te adhigatamidaṁ vimānaṁ, tadanupadaṁ avacāsiḷārapamhe”ti.
avacāsiḷārapamhe”ti → avacāsulārapakhumeti (bj, pts-vp-pli1-2); avacāsi āḷārapamukheti (sya1ed, sya2ed)

“Yathā ca me adhigatamidaṁ vimānaṁ, koñcamayūracakorasaṅghacaritaṁ;
koñcamayūracakorasaṅghacaritaṁ → … mayuracakora … (sya1ed, sya2ed); … mayūracaṅkora … (mr) Dibyapilavahaṁsarājaciṇṇaṁ, dijakāraṇḍavakokilābhinaditaṁ.
Dibyapilavahaṁsarājaciṇṇaṁ → dibba … (bj, pts-vp-pli1-2)

Nānāsantānakapuppharukkhavividhā, pāṭalijambuasokarukkhavantaṁ; Yathā ca me adhigatamidaṁ vimānaṁ, taṁ te pavedayāmi suṇohi bhante.
pavedayāmi → pavadissāmi (bj); pavedissāmi (sya1ed, sya2ed, pts-vp-pli1-2)

Magadhavarapuratthimena, nāḷakagāmo nāma atthi bhante; Tattha ahosiṁ pure suṇisā, pesavatīti tattha jāniṁsu mamaṁ.
pesavatīti → sesavatī (bj); sesavatīti (sya1ed, sya2ed, pts-vp-pli1-2)

Sāhamapacitatthadhammakusalaṁ, devamanussapūjitaṁ mahantaṁ; Upatissaṁ nibbutamappameyyaṁ, muditamanā kusumehi abbhukiriṁ.
abbhukiriṁ → abbhokiriṁ (bj, sya1ed, sya2ed, pts-vp-pli1-2, mr)

Paramagatigatañca pūjayitvā, antimadehadharaṁ isiṁ uḷāraṁ; Pahāya mānusakaṁ samussayaṁ, tidasagatā idha māvasāmi ṭhānan”ti.

Pesavatīvimānaṁ sattamaṁ.
Pesavatīvimānaṁ → sesavatīvimānaṁ (bj, sya1ed, sya2ed, pts-vp-pli1-2)