“Pītavatthe pītadhaje, pītālaṅkārabhūsite; Pītantarāhi vaggūhi, apiḷandhāva sobhasi.

Kā kambukāyūradhare, kañcanāveḷabhūsite;
kambukāyūradhare → kā kambukeyuradhare (bj); kakambukāyuradhare (sya1ed, pts-vp-pli1); kā kambukāyuradhare (sya2ed, pts-vp-pli2) Hemajālakasañchanne, nānāratanamālinī.
Hemajālakasañchanne → … pacchanne (bj, pts-vp-pli2)

Sovaṇṇamayā lohitaṅgamayā ca, muttāmayā veḷuriyamayā ca;
lohitaṅgamayā → lohitaṅkamayā (bj, sya1ed, sya2ed) Masāragallā sahalohitaṅgā, pārevatakkhīhi maṇīhi cittatā.
sahalohitaṅgā → saha lohitaṅkā (bj, sya2ed, pts-vp-pli2); sahalohitakā (sya1ed, pts-vp-pli1)

Koci koci ettha mayūrasussaro, haṁsassa rañño karavīkasussaro; Tesaṁ saro suyyati vaggurūpo, pañcaṅgikaṁ tūriyamivappavāditaṁ.
vaggu → vaggū (sya1ed, sya2ed)

Ratho ca te subho vaggu, nānāratanacittito;
nānāratanacittito → nānāratanacittaṅgo (sya1ed, sya2ed) Nānāvaṇṇāhi dhātūhi, suvibhattova sobhati.

Tasmiṁ rathe kañcanabimbavaṇṇe, yā tvaṁ ṭhitā bhāsasimaṁ padesaṁ;
tvaṁ → yattha (si, sya1ed, sya2ed, mr) Devate pucchitācikkha, kissa kammassidaṁ phalan”ti.

“Sovaṇṇajālaṁ maṇisoṇṇacittitaṁ, muttācitaṁ hemajālena channaṁ;
maṇisoṇṇacittitaṁ → … cittaṁ (sya1ed, sya2ed, pts-vp-pli1-2); … vicittaṁ (mr) channaṁ → sañchannaṁ (mr) Parinibbute gotame appameyye, pasannacittā ahamābhiropayiṁ.

Tāhaṁ kammaṁ karitvāna, kusalaṁ buddhavaṇṇitaṁ; Apetasokā sukhitā, sampamodāmanāmayā”ti.

Mallikāvimānaṁ aṭṭhamaṁ.