“Pītavatthe pītadhaje, pītālaṅkārabhūsite; Pītacandanalittaṅge, pītauppalamālinī.
pītauppalamālinī → pītuppalamadhārinī (sya1ed, sya2ed, pts-vp-pli1, mr); pītuppalamālinī (pts-vp-pli2)

Pītapāsādasayane, pītāsane pītabhājane; Pītachatte pītarathe, pītasse pītabījane.

Kiṁ kammamakarī bhadde, pubbe mānusake bhave; Devate pucchitācikkha, kissa kammassidaṁ phalan”ti.

“Kosātakī nāma latatthi bhante, tittikā anabhicchitā; Tassā cattāri pupphāni, thūpaṁ abhihariṁ ahaṁ.

Satthu sarīramuddissa, vippasannena cetasā; Nāssa maggaṁ avekkhissaṁ, na taggamanasā satī.
taggamanasā → tadaggamanasā (bj); tadaṅgamanasā (sya1ed, sya2ed)

Tato maṁ avadhī gāvī, thūpaṁ apattamānasaṁ; Tañcāhaṁ abhisañceyyaṁ, bhiyyo nūna ito siyā.
bhiyyo → bhīyo (bj)

Tena kammena devinda, maghavā devakuñjara; Pahāya mānusaṁ dehaṁ, tava sahabyamāgatā”ti.
sahabyamāgatā → sahavyatamāgatā (bj, pts-vp-pli1-2); sahabyatamāgatā (sya1ed, sya2ed)

Idaṁ sutvā tidasādhipati, maghavā devakuñjaro; Tāvatiṁse pasādento, mātaliṁ etadabravi.
etadabravi → etadabravīti (bj)

“Passa mātali accheraṁ, cittaṁ kammaphalaṁ idaṁ; Appakampi kataṁ deyyaṁ, puññaṁ hoti mahapphalaṁ.

Natthi citte pasannamhi, appakā nāma dakkhiṇā; Tathāgate vā sambuddhe, atha vā tassa sāvake.

Ehi mātali amhepi, bhiyyo bhiyyo mahemase; Tathāgatassa dhātuyo, sukho puññāna muccayo.

Tiṭṭhante nibbute cāpi, same citte samaṁ phalaṁ; Cetopaṇidhihetu hi, sattā gacchanti suggatiṁ.

Bahūnaṁ vata atthāya, uppajjanti tathāgatā;
Bahūnaṁ → bahunnaṁ (bj, sya1ed, sya2ed, pts-vp-pli2) Yattha kāraṁ karitvāna, saggaṁ gacchanti dāyakā”ti.

Pītavimānaṁ navamaṁ.