“Daḷhadhammā nisārassa, dhanuṁ olubbha tiṭṭhasi; Khattiyo nusi rājañño, adu luddo vanecaro”ti.
vanecaro”ti → vanācaroti (sya1ed, sya2ed, mr)

“Assakādhipatissāhaṁ, bhante putto vanecaro; Nāmaṁ me bhikkhu te brūmi, sujāto iti maṁ vidū.
vidū → viduṁ (bj)

Mige gavesamānohaṁ, ogāhanto brahāvanaṁ; Migaṁ tañceva nāddakkhiṁ, tañca disvā ṭhito ahan”ti.
Migaṁ tañceva → migaṁ gantveva (sya1ed, sya2ed); migavadhañca (mr)

“Svāgataṁ te mahāpuñña, atho te adurāgataṁ; Etto udakamādāya, pāde pakkhālayassu te.

Idampi pānīyaṁ sītaṁ, ābhataṁ girigabbharā; Rājaputta tato pitvā, santhatasmiṁ upāvisā”ti.
pitvā → pītvā (bj, pts-vp-pli2)

“Kalyāṇī vata te vācā, savanīyā mahāmuni; Nelā atthavatī vaggu, mantvā atthañca bhāsasi.
atthavatī → catthavatī (bj) mantvā → mantā (sya1ed, sya2ed, pts-vp-pli1-2, mr) | bhāsasi → bhāsase (bj)

Kā te rati vane viharato, isinisabha vadehi puṭṭho; Tava vacanapathaṁ nisāmayitvā, atthadhammapadaṁ samācaremase”ti.

“Ahiṁsā sabbapāṇīnaṁ, kumāramhāka ruccati; Theyyā ca aticārā ca, majjapānā ca ārati.

Ārati samacariyā ca, bāhusaccaṁ kataññutā; Diṭṭheva dhamme pāsaṁsā, dhammā ete pasaṁsiyāti.

Santike maraṇaṁ tuyhaṁ, oraṁ māsehi pañcahi; Rājaputta vijānāhi, attānaṁ parimocayā”ti.

“Katamaṁ svāhaṁ janapadaṁ gantvā, kiṁ kammaṁ kiñca porisaṁ; Kāya vā pana vijjāya, bhaveyyaṁ ajarāmaro”ti.

“Na vijjate so padeso, kammaṁ vijjā ca porisaṁ; Yattha gantvā bhave macco, rājaputtājarāmaro.

Mahaddhanā mahābhogā, raṭṭhavantopi khattiyā; Pahūtadhanadhaññāse, tepi no ajarāmarā.
tepi no → na tepi (bj); tepi na (sya1ed, sya2ed, pts-vp-pli1-2)

Yadi te sutā andhakaveṇḍuputtā, sūrā vīrā vikkantappahārino;
andhakaveṇḍuputtā → andhakaveṇhuputtā (bj, pts-vp-pli1-2); andhakaveṇḍaputtā (sya1ed, sya2ed, mr) Tepi āyukkhayaṁ pattā, viddhastā sassatīsamā.

Khattiyā brāhmaṇā vessā, suddā caṇḍālapukkusā; Ete caññe ca jātiyā, tepi no ajarāmarā.

Ye mantaṁ parivattenti, chaḷaṅgaṁ brahmacintitaṁ; Ete caññe ca vijjāya, tepi no ajarāmarā.

Isayo cāpi ye santā, saññatattā tapassino; Sarīraṁ tepi kālena, vijahanti tapassino.

Bhāvitattāpi arahanto, katakiccā anāsavā; Nikkhipanti imaṁ dehaṁ, puññapāpaparikkhayā”ti.

“Subhāsitā atthavatī, gāthāyo te mahāmuni; Nijjhattomhi subhaṭṭhena, tvañca me saraṇaṁ bhavā”ti.

“Mā maṁ tvaṁ saraṇaṁ gaccha, tameva saraṇaṁ vaja;
vaja → bhaja (mr) Sakyaputtaṁ mahāvīraṁ, yamahaṁ saraṇaṁ gato”ti.

“Katarasmiṁ so janapade, satthā tumhāka mārisa; Ahampi daṭṭhuṁ gacchissaṁ, jinaṁ appaṭipuggalan”ti.

“Puratthimasmiṁ janapade, okkākakulasambhavo; Tatthāsi purisājañño, so ca kho parinibbuto”ti.

“Sace hi buddho tiṭṭheyya, satthā tumhāka mārisa; Yojanāni sahassāni, gaccheyyaṁ payirupāsituṁ.
gaccheyyaṁ → gacche (sya1ed, sya2ed, mr)

Yato ca kho parinibbuto, satthā tumhāka mārisa;
Yato ca kho → yato kho (mr) Nibbutampi mahāvīraṁ, gacchāmi saraṇaṁ ahaṁ.
Nibbutampi → parinibbutaṁ (sya1ed, sya2ed, mr)

Upemi saraṇaṁ buddhaṁ, dhammañcāpi anuttaraṁ; Saṅghañca naradevassa, gacchāmi saraṇaṁ ahaṁ.

Pāṇātipātā viramāmi khippaṁ, loke adinnaṁ parivajjayāmi; Amajjapo no ca musā bhaṇāmi, sakena dārena ca homi tuṭṭho”ti.

“Sahassaraṁsīva yathā mahappabho, disaṁ yathā bhāti nabhe anukkamaṁ; Tathāpakāro tavāyaṁ mahāratho, samantato yojanasattamāyato.
Tathāpakāro → tathappakāro (bj, sya1ed, sya2ed, pts-vp-pli1-2) | tavāyaṁ → tavayaṁ (bj, pts-vp-pli1-2)

Suvaṇṇapaṭṭehi samantamotthaṭo, urassa muttāhi maṇīhi cittito; Lekhā suvaṇṇassa ca rūpiyassa ca, sobhenti veḷuriyamayā sunimmitā.

Sīsañcidaṁ veḷuriyassa nimmitaṁ, yugañcidaṁ lohitakāya cittitaṁ; Yuttā suvaṇṇassa ca rūpiyassa ca, sobhanti assā ca ime manojavā.

So tiṭṭhasi hemarathe adhiṭṭhito, devānamindova sahassavāhano; Pucchāmi tāhaṁ yasavanta kovidaṁ, kathaṁ tayā laddho ayaṁ uḷāro”ti.
kovidaṁ → kovida (mr)

“Sujāto nāmahaṁ bhante, rājaputto pure ahuṁ; Tvañca maṁ anukampāya, saññamasmiṁ nivesayi.

Khīṇāyukañca maṁ ñatvā, sarīraṁ pādāsi satthuno; Imaṁ sujāta pūjehi, taṁ te atthāya hehiti.
hehiti → hehīti (bj); hohīti (sya1ed, sya2ed)

Tāhaṁ gandhehi mālehi, pūjayitvā samuyyuto; Pahāya mānusaṁ dehaṁ, upapannomhi nandanaṁ.

Nandane ca vane ramme, nānādijagaṇāyute;
Nandane ca vane → nandanopavane (bj, pts-vp-pli2); nandane pavare (sya1ed, sya2ed); nandane pavane (pts-vp-pli1, mr) Ramāmi naccagītehi, accharāhi purakkhato”ti.

Cūḷarathavimānaṁ terasamaṁ.