“Disvāna devaṁ paṭipucchi bhikkhu, ucce vimānamhi ciraṭṭhitike; Āmuttahatthābharaṇaṁ yasassiṁ, dibbe vimānamhi yathāpi candimā.
Āmuttahatthābharaṇaṁ yasassiṁ → āmuttahatthābharaṇo yasassī (sya1ed, sya2ed, pts-vp-pli1-2, mr) candimā → ayaṁ gāthā sya1ed, sya2ed potthakesu

Alaṅkato malyadharo suvattho, sukuṇḍalī kappitakesamassu;
malyadharo → mālabhārī (bj); māladharī (pts-vp-pli-a, mr) Āmuttahatthābharaṇo yasassī, dibbe vimānamhi yathāpi candimā.

Dibbā ca vīṇā pavadanti vagguṁ, aṭṭhaṭṭhakā sikkhitā sādhurūpā; Dibbā ca kaññā tidasacarā uḷārā, naccanti gāyanti pamodayanti.

Deviddhipattosi mahānubhāvo, manussabhūto kimakāsi puññaṁ; Kenāsi evaṁ jalitānubhāvo, vaṇṇo ca te sabbadisā pabhāsatī”ti.

So devaputto attamano, …pe… yassa kammassidaṁ phalaṁ.

“Ahaṁ manussesu manussabhūto, saṅgamma rakkhissaṁ paresaṁ dhenuyo; Tato ca āgā samaṇo mamantike, gāvo ca māse agamaṁsu khādituṁ.

Dvayajja kiccaṁ ubhayañca kāriyaṁ, iccevahaṁ bhante tadā vicintayiṁ;
iccevahaṁ → iccevaṁ (mr) Tato ca saññaṁ paṭiladdha yoniso, dadāmi bhanteti khipiṁ anantakaṁ.

So māsakhettaṁ turito avāsariṁ, purā ayaṁ bhañjati yassidaṁ dhanaṁ; Tato ca kaṇho urago mahāviso, aḍaṁsi pāde turitassa me sato.

Svāhaṁ aṭṭomhi dukkhena pīḷito, bhikkhu ca taṁ sāmaṁ muñcitvānantakaṁ;
muñcitvānantakaṁ → muñcitvā nantakaṁ (bj); muñcitvā anantakaṁ (sya1ed, sya2ed) Ahāsi kummāsaṁ mamānukampayā, tato cuto kālakatomhi devatā.
mamānukampayā → mamānukampāya (sya1ed, sya2ed); mamānukampiyā (pts-vp-pli-a, mr)

Tadeva kammaṁ kusalaṁ kataṁ mayā, sukhañca kammaṁ anubhomi attanā; Tayā hi bhante anukampito bhusaṁ, kataññutāya abhivādayāmi taṁ.

Sadevake loke samārake ca, añño muni natthi tayānukampako; Tayā hi bhante anukampito bhusaṁ, kataññutāya abhivādayāmi taṁ.

Imasmiṁ loke parasmiṁ vā pana, añño munī natthi tayānukampako; Tayā hi bhante anukampito bhusaṁ, kataññutāya abhivādayāmi tan”ti.

Gopālavimānaṁ chaṭṭhaṁ.