“Alaṅkato maṭṭhakuṇḍalī, māladhārī haricandanussado;
maṭṭhakuṇḍalī → maṭṭakuṇḍalī (bj, pts-vp-pli1-2) Bāhā paggayha kandasi, vanamajjhe kiṁ dukkhito tuvan”ti.

“Sovaṇṇamayo pabhassaro, uppanno rathapañjaro mama; Tassa cakkayugaṁ na vindāmi, tena dukkhena jahāmi jīvitan”ti.
jahāmi → jahissaṁ (bj, pts-vp-pli2); jahissāmi (sya1ed, sya2ed, pts-vp-pli1)

“Sovaṇṇamayaṁ maṇimayaṁ, lohitakamayaṁ atha rūpiyamayaṁ;
lohitakamayaṁ → lohitaṅkamayaṁ (bj, pts-vp-pli1-2); lohitaṅgamayaṁ (sya1ed, sya2ed); lohamayaṁ (katthaci) Ācikkha me bhaddamāṇava, cakkayugaṁ paṭipādayāmi te”ti.
Ācikkha → ācikkhatha (mr)

So māṇavo tassa pāvadi, “Candasūriyā ubhayettha dissare;
dissare → bhātaro (ja449:4 [Maṭṭhakuṇḍalījātaka]) Sovaṇṇamayo ratho mama, tena cakkayugena sobhatī”ti.

“Bālo kho tvaṁ asi māṇava, yo tvaṁ patthayase apatthiyaṁ; Maññāmi tuvaṁ marissasi, na hi tvaṁ lacchasi candasūriye”ti.

“Gamanāgamanampi dissati, vaṇṇadhātu ubhayattha vīthiyā; Peto kālakato na dissati, ko nidha kandataṁ bālyataro”ti.
Peto → peto pana (bj, sya1ed, sya2ed, pts-vp-pli1-2) nidha → ko nukho (ja449:6 [Maṭṭhakuṇḍalījātaka])

“Saccaṁ kho vadesi māṇava, ahameva kandataṁ bālyataro; Candaṁ viya dārako rudaṁ, petaṁ kālakatābhipatthayinti.

Ādittaṁ vata maṁ santaṁ, ghatasittaṁva pāvakaṁ; Vārinā viya osiñcaṁ, sabbaṁ nibbāpaye daraṁ.

Abbahī vata me sallaṁ, sokaṁ hadayanissitaṁ;
Abbahī → abbūḷhaṁ (sya1ed, sya2ed, pts-vp-pli1, mr) sokaṁ hadayanissitaṁ → yamāsi hadayassitaṁ (ja449:9 [Maṭṭhakuṇḍalījātaka]) Yo me sokaparetassa, puttasokaṁ apānudi.

Svāhaṁ abbūḷhasallosmi, sītibhūtosmi nibbuto; Na socāmi na rodāmi, tava sutvāna māṇavā”ti.

“Devatā nusi gandhabbo, adu sakko purindado;
adu → ādu (bj, pts-vp-pli1-2); ādū (sya1ed, sya2ed) Ko vā tvaṁ kassa vā putto, kathaṁ jānemu taṁ mayan”ti.

“Yañca kandasi yañca rodasi, puttaṁ āḷāhane sayaṁ dahitvā;
Yañca → yaṁ (mr) Svāhaṁ kusalaṁ karitvā kammaṁ, tidasānaṁ sahabyataṁ gato”ti.
gato”ti → pattoti (bj, sya1ed, sya2ed, pts-vp-pli1-2)

“Appaṁ vā bahuṁ vā nāddasāma, dānaṁ dadantassa sake agāre; Uposathakammaṁ vā tādisaṁ, kena kammena gatosi devalokan”ti.
Uposathakammaṁ vā → uposathakammañca (mr)

“Ābādhikohaṁ dukkhito gilāno, āturarūpomhi sake nivesane; Buddhaṁ vigatarajaṁ vitiṇṇakaṅkhaṁ, addakkhiṁ sugataṁ anomapaññaṁ.

Svāhaṁ muditamano pasannacitto, añjaliṁ akariṁ tathāgatassa; Tāhaṁ kusalaṁ karitvāna kammaṁ, tidasānaṁ sahabyataṁ gato”ti.

“Acchariyaṁ vata abbhutaṁ vata, añjalikammassa ayamīdiso vipāko; Ahampi muditamano pasannacitto, ajjeva buddhaṁ saraṇaṁ vajāmī”ti.

“Ajjeva buddhaṁ saraṇaṁ vajāhi, dhammañca saṅghañca pasannacitto; Tatheva sikkhāya padāni pañca, akhaṇḍaphullāni samādiyassu.

Pāṇātipātā viramassu khippaṁ, loke adinnaṁ parivajjayassu; Amajjapo mā ca musā bhaṇāhi, sakena dārena ca hohi tuṭṭho”ti.

“Atthakāmosi me yakkha, hitakāmosi devate; Karomi tuyhaṁ vacanaṁ, tvaṁsi ācariyo mamāti.

Upemi saraṇaṁ buddhaṁ, dhammañcāpi anuttaraṁ; Saṅghañca naradevassa, gacchāmi saraṇaṁ ahaṁ.

Pāṇātipātā viramāmi khippaṁ, loke adinnaṁ parivajjayāmi; Amajjapo no ca musā bhaṇāmi, sakena dārena ca homi tuṭṭho”ti.

Maṭṭhakuṇḍalīvimānaṁ navamaṁ.
Maṭṭhakuṇḍalīvimānaṁ → maṭṭakuṇḍalīvimānaṁ (bj, pts-vp-pli1-2); maṭṭhakuṇḍalivimānaṁ (sya1ed, sya2ed)